قاسىم-جومارت توقاەۆ تايە اتسكە-سەلاسسيەنى ەفيوپيانىڭ ۇلتتىق كۇنىمەن قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنتتىڭ ايتۋىنشا, ەفيوپيا – قازاقستاننىڭ افريكا قۇرلىعىنداعى سەنىمدى ءارى ماڭىزدى سەرىكتەستەرىنىڭ ءبىرى. سونداي-اق مەملەكەت باسشىسى بىرلەسكەن كۇش-جىگەردىڭ ارقاسىندا دوستىق پەن ءوزارا تۇسىنىستىككە نەگىزدەلگەن ەكىجاقتى قارىم-قاتىناس قوس حالىقتىڭ يگىلىگى جولىندا دامي بەرەتىنىنە سەنىم ءبىلدىردى.
قاسىم-جومارت توقاەۆ تايە اتسكە-سەلاسسيەنىڭ جاۋاپتى قىزمەتىنە تابىس, دوستاس ەفيوپيا حالقىنا قۇت-بەرەكە تىلەدى.
بۇعان دەيىن مەملەكەت باسشىسى ازەربايجان حالقىن تاۋەلسىزدىك كۇنىمەن قۇتتىقتادى.