ىشكى ىستەر مينيسترلىگى قوعامدىق ورىنداردا ازاماتتاردىڭ بەت-ءجۇزدى تانۋعا كەدەرگى كەلتىرەتىن كيىمدەردى كيۋگە تىيىم سالۋ تالابىن ساقتاۋىن قامتاماسىز ەتۋدى جالعاستىرىپ جاتىر, دەپ حابارلايدى Egemen.kz.
بۇل نورما «قۇقىق بۇزۋشىلىق پروفيلاكتيكاسى» زاڭىنىڭ 75-بابى 3-تارماعىندا كوزدەلگەن.
ادامنىڭ ءتۇر-سيپاتىن كوزبەن تانۋعا كەدەرگى كەلتىرەتىندەي دارەجەدە بەتتى جاباتىن كيىمدەردى كيۋ قۇقىقبۇزۋشىلىق بولىپ سانالادى.
تىيىم اۋا رايى جاعدايلارىنا جانە مەديتسينالىق ۇسىنىمدارعا قاتىستى قولدانىلمايدى. سونداي-اق قىزمەتتىك مىندەتتەردى اتقارۋ, سپورتتىق جانە مادەني ءىس-شارالارعا قاتىسۋ كەزىندە دە تىيىم سالىنبايدى.
قوعامدىق ورىنداردا تۇمشالانىپ ءجۇرۋ: الماتى پوليتسياسى داۋلى ۆيدەوعا قاتىستى مالىمدەمە جاسادى
جاۋاپكەرشىلىك اكىمشىلىك قۇقىقبۇزۋشىلىق تۋرالى كودەكستىڭ 434-3-بابىندا بەلگىلەنگەن. اتاپ ايتقاندا, العاشقى قۇقىقبۇزۋشىلىق ءۇشىن ەسكەرتۋ قاراستىرىلعان. ءبىر جىل ىشىندە قايتالانعان جاعدايدا 10 ايلىق ەسەپتىك كورسەتكىش مولشەرىندە ايىپپۇل سالىنادى.
قازىرگى ۋاقىتتا اتالعان قۇقىق بۇزۋشىلىق بويىنشا 1 179 ازامات اكىمشىلىك جاۋاپكەرشىلىككە تارتىلدى.
«تىيىم تەك قوعامدىق قاۋىپسىزدىكتى قامتاماسىز ەتۋگە باعىتتالعانىن جانە بەت-ءجۇزدى جاسىراتىن كەز كەلگەن كيىم تۇرىنە قاتىستى قولدانىلاتىنىن اتاپ وتەمىز. ىشكى ىستەر ورگاندارى زاڭ مەن ءتارتىپتى قامتاماسىز ەتۋ جۇمىستارىن جالعاستىرىپ, ازاماتتاردى قوعامدىق ورىنداردا بەلگىلەنگەن ەرەجەلەردى ساقتاۋعا شاقىرادى», دەلىنگەن حابارلامادا.
پوليتسيا بەت-ءجۇزدى تۇمشالايتىن كيىمدەرگە تىيىم سالىنعانىن ەسكەرتتى