قازاقستان مەن رەسەي ىشكى ىستەر مينيسترلىكتەرى قىلمىسكەرلەردى ىزدەستىرۋ باعىتىنداعى ءوزارا ءىس-قيمىلدى كۇشەيتتى, دەپ حابارلايدى Egemen.kz.
جىل باسىنان بەرى رەسەي اۋماعىندا قازاقستان ىزدەۋ جاريالاعان 27 قىلمىسكەر انىقتالدى. ونىڭ 14-ءى ۇستالىپ, 13 ادامنىڭ جۇرگەن جەرى بەلگىلى بولدى. ال قازاق پوليتسەيلەرى رەسەي تاراپىنان ىزدەۋدە بولعان 212 ادامدى انىقتاپ, ولاردىڭ 31-ءىن ۇستادى, 180 ادامنىڭ ورنالاسقان جەرىن تاپتى.
اقتاۋدا مەملەكەتارالىق ىزدەۋدە جۇرگەن ەر ادام ۇستالدى. ول باكۋگە ۇشپاق بولعان كەزدە قولعا تۇسكەن. تەرگەۋ مالىمەتىنشە, كۇدىكتى 2012 جىلى كالۋگا قالاسىندا جاسالعان ادام ءولتىرۋ ىسىنە قاتىسى بار.
سونداي-اق ۆلاديكاۆكازدا اسا ءىرى كولەمدەگى الاياقتىق ءىسى بويىنشا ىزدەۋدە جۇرگەن قازاقستان ازاماتى ۇستالدى. تەرگەۋ نۇسقاسىنا سايكەس, ول Toyota Camry اۆتوكولىگىن قۇجاتتارىن قولدان جاساپ, ساتىپ جىبەرگەن.
ەسكە سالايىق, كولىك ساتامىن دەپ حالىقتى الداعان الاياق رەسەيدەن ەكستراديتسيالاندى.
230 مىڭ دوللار جىمقىرعان بۋحگالتەر گرەكيادا ۇستالدى.