اتىراۋداعى ءورت كەزىندە تجم قۇتقارۋشىلارى تۇتىنگە ورانعان ۇيدەن ەكى بالانى الىپ شىقتى. وقيعا لەسحوز شاعىن اۋدانىندا بولعان. كەزەكشى پۋلتىنە كوپقاباتتى تۇرعىن ءۇيدىڭ قاتتى تۇتىندەنگەنى تۋرالى حابارلاما تۇسكەن, دەپ حابارلايدى Egemen.kz.
وقيعا ورنىنا جەتكەن ءورت سوندىرۋشىلەر ەكى قاباتتى ءۇيدىڭ ءبىرىنشى قاباتىنداعى پاتەردەن ءورت شىققانىن انىقتادى. قالىڭ ءتۇتىن سالدارىنان جوعارعى قاباتتاعى بالالار سىرتقا شىعا الماي قالعان.
«بارلاۋ جۇمىستارى كەزىندە تجم قىزمەتكەرلەرى ەكىنشى قاباتتاعى پاتەردەن ەكى بالانى باسپالداق ارقىلى جەدەل قۇتقاردى», دەپ حابارلادى ۆەدومستۆو.
ءورت سوندىرۋشىلەردىڭ جەدەل ءارى ۇيلەسىمدى ارەكەتىنىڭ ارقاسىندا ءتىلسىز جاۋ قىسقا ۋاقىتتا تولىقتاي ءسوندىرىلدى. وقيعا سالدارىنان زارداپ شەككەندەر مەن قازا تاپقاندار جوق. قازىر ءورتتىڭ شىعۋ سەبەبى انىقتالىپ جاتىر.
ارقالىقتا مەكتەپتىڭ شاتىرى ورتەندى
كەشە اقمولا وبلىسىنىڭ كوسشى قالاسىندا دۇكەن شاتىرى ورتەنىپ, ءورت ۇيگە تاراعان.