استانا قالاسىندا «SARAP» ەكسپەرتتىك كلۋبىنىڭ «وزگەرىستەر كەزەڭىندەگى وتباسى: الەۋمەتتىك ترانسفورماتسياعا كونستيتۋتسيا تۇرعىسىنان جاۋاپ» اتتى وتىرىسى ءوتتى. ءىس-شارانى مادەنيەت جانە اقپارات مينيسترلىگىنىڭ قولداۋىمەن قازاقستاندىق قوعامدىق دامۋ ينستيتۋتى ۇيىمداستىردى, دەپ جازادى Egemen.kz.
تالقىلاۋعا پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەلەرى, اكادەميالىق قاۋىمداستىق پەن ساراپشىلار, ۇكىمەتتىك ەمەس ۇيىمدار, سونداي-اق استانا قالاسىنداعى وتباسىن قولداۋ ورتالىعىنىڭ وكىلدەرى قاتىستى. جيىن بارىسىندا جاڭا كونستيتۋتسيا جوباسىنىڭ 30-بابى, ياعني نەكە, وتباسى, انا, اكە جانە بالاعا قاتىستى نورمالار كەڭىنەن ءسوز بولدى.
وتىرىستى ققدي باسقارما توراعاسى جۇلدىزاي ىسقاقوۆا جۇرگىزدى. ونىڭ ايتۋىنشا, جاڭا كونستيتۋتسيا جوباسىنا وتباسى مەن نەكە قاتىناستارىن رەتتەيتىن نورمانى ەنگىزۋ نەكە ينستيتۋتىنىڭ قۇقىقتىق مارتەبەسىن ايقىنداپ, الەۋمەتتىك وزگەرىستەر جاعدايىندا وتباسىنىڭ قۇندىلىق باعدارىن ناقتىلاۋعا ىقپال ەتەدى.
«اۋىل» پارتياسىنىڭ جاستارى كونستيتۋتسيالىق رەفورمانى قولدايدى
ققدي وتباسى جانە گەندەرلىك ساياسات سالاسىنداعى زەرتتەۋلەر ورتالىعىنىڭ باسشىسى اقنۇر يمانقۇل قازاقستان وتباسىلارىنىڭ الەۋمەتتانۋلىق پورترەتىنە توقتالدى.
«ەلىمىزدەگى وتباسى ينستيتۋتى داعدارىستا ەمەس, كەرىسىنشە, الەۋمەتتىك وزگەرىستەرگە بەيىمدەلىپ كەلەدى. بۇل قۇندىلىق باعدارلارىن, گەندەرلىك سەزىمتالدىقتى جانە الەۋمەتتىك-ەكونوميكالىق قولداۋ تەتىكتەرىن ۇشتاستىراتىن يكەمدى ءارى تەڭگەرىمدى ساياساتتى تالاپ ەتەدى», دەدى ساراپشى.
كونستيتۋتسيا جوباسى پارتيالىق پىكىرتالاس تاقىرىبىنا اينالدى
الەۋمەتتانۋ عىلىمدارىنىڭ دوكتورى, قسزي باس عىلىمي قىزمەتكەرى ايگۇل زابيروۆا وتباسى ينستيتۋتىنىڭ قازىرگى الەۋمەتتىك ۇدەرىستەر ىقپالىمەن كۇردەلەنە تۇسكەنىن اتاپ ءوتتى.
«بۇگىندە وتباسىنىڭ ترانسفورماتسيا باعىتتارىن جانە نەكەنىڭ قۇقىقتىق انىقتاماسىن قايتا پايىمداۋ قاجەتتىگى تۋىنداپ وتىر. وسى تۇرعىدا جاڭا كونستيتۋتسيا جوباسىنىڭ 30-بابىندا نەكەنىڭ ەر مەن ايەل اراسىنداعى ەرىكتى وداق رەتىندە بەكىتىلۋى قۇقىقتىق ايقىندىق بەرەدى جانە قوعام سۇرانىسىنا ساي كەلەدى», دەدى ول.
ۇلتتىق ەكسپەرت, دەموگراف اياۋلىم ساعىنباەۆا بالالاردىڭ اتا-اناسىنىڭ نەكەدە بولۋى ولاردىڭ قاۋىپسىزدىگى مەن ءال-اۋقاتى ءۇشىن ماڭىزدى ەكەنىن اتاپ ءوتتى. ونىڭ پىكىرىنشە, وتباسىعا قاتىستى كونستيتۋتسيالىق نورمالار ەر مەن ايەلدىڭ قۇقىقتارىمەن قاتار, ەڭ الدىمەن, بالالاردىڭ مۇددەسىنە باعىتتالۋعا ءتيىس.
استانادا جاڭا كونستيتۋتسيا جوباسىن تالقىلاۋعا ارنالعان كەزدەسۋ ءوتتى
جيىن بارىسىندا سونداي-اق وتباسى ينستيتۋتىنىڭ ترانسفورماتسياسى, مەملەكەتتىڭ وتباسى ساياساتىن قالىپتاستىرۋداعى ءرولى جانە كونستيتۋتسيالىق رەتتەۋ مەن الەۋمەتتىك پراكتيكالاردىڭ ءوزارا بايلانىسى تالقىلاندى. قاتىسۋشىلار الەۋمەتتىك ماڭىزى بار ينستيتۋتتارعا قاتىستى شەشىم قابىلداۋدا ەمپيريكالىق دەرەكتەرگە سۇيەنۋدىڭ ماڭىزىن ەرەكشە اتاپ ءوتتى.