الماتى قالاسى پروكۋراتۋراسى ەكونوميكالىق تەرگەۋ دەپارتامەنتى «Asar Baspana» اتتى قارجى پيراميداسىنىڭ قىزمەتىن تەرگەۋدى اياقتادى. اتالعان پيراميدا 2023-2025 جىلدار ارالىعىندا تۇتىنۋ كووپەراتيۆى رەتىندە قازاقستاننىڭ بۇكىل اۋماعىندا جۇمىس ىستەگەن, دەپ حابارلايدى Egemen.kz.
قارجى پيراميداسىنىڭ قىزمەتىنە 90 مىڭنان استام ازامات تارتىلىپ, ولار 25 ملرد تەڭگەدەن استام قاراجات سالعان.
كوپ جاعدايدا قارجى قاراجاتتارى جەكە كاسىپكەرلەردىڭ باقىلاۋداعى شوتتارى ارقىلى قولما-قول اقشاعا اينالدىرىلىپ, ۇيىمداستىرۋشىلار تاراپىنان جەكە ماقساتتارعا پايدالانىلعان. سونىمەن قاتار قىلمىستىڭ ءىزىن جاسىرۋ ماقساتىندا قاراجاتتىڭ ەسەبى ادەيى جۇرگىزىلمەگەن.
اباي وبلىسىندا 6,8 ملرد تەڭگە تارتقان قارجى پيراميداسى اشكەرەلەندى
اتالعان قىلمىستىق ءىس سوتقا جولداندى.
قالالىق پروكۋراتۋرا ازاماتتاردى ساق بولۋعا جانە جىلدام ءارى كەپىلدەندىرىلگەن تابىس ۋادەلەرىنە سەنبەۋگە شاقىرادى.
ەسكە سالايىق, پيراميدا ۇيىمداستىرۋشىلارى تۋعانباەۆ ن.م.-ءنىڭ باسشىلىعىمەن ازاماتتاردى اي سايىن 30%-عا دەيىن تابىس تۇسەدى دەگەن ۋادەمەن تارتقان.
قارجى پيراميداسى 59 ازاماتتى الداپ سوققان
بۇعان دەيىن «Asar Baspana» قارجى پيراميداسىن ۇيىمداستىرۋشىلاردان 1,2 ملرد تەڭگە جانە 13 اۆتوكولىك تاركىلەنگەن بولاتىن.