پاۆلوداردا بالاباقشاداعى بۇلدىرشىندەرگە قول كوتەرگەن تاربيەشىنىڭ ارەكەتى بەينەكامەراعا ءتۇسىپ قالدى. وبلىستىق ءبىلىم باسقارماسى وقيعاعا قاتىستى تۇسىنىكتەمە بەردى, دەپ جازادى Egemen.kz.
«1 شىلدەدە بالاباقشاداعى ورتا توپتىڭ بىرىندە تاربيەلەنىپ جاتقان بالالاردىڭ اتا-انالارى باسشىنىڭ مىندەتىن اتقارۋشىعا بەينەباقىلاۋ كامەرالارىن قاراۋ تۋرالى وتىنىشپەن جۇگىندى. 26-27 ماۋسىمداعى جازبالاردا تاربيەشىنىڭ بالالارعا دورەكى قارىم-قاتىناسى بايقالدى», دەلىنگەن باسقارما حابارلاماسىندا.
وسىعان بايلانىستى پاۆلودار قالاسىنداعى №79 بالاباقشا تاربيەشىسى جۇمىستان شىعارىلعان.
ىسكە قاتىستى بارلىق ماتەريالدار قۇقىق قورعاۋ ورگاندارىنا بەرىلەدى.