قالالىق پوليتسيا دەپارتامەنتى شىۇ سامميتىنە بايلانىستى جولداردىڭ بىرنەشە ۋچاسكەسىندە كولىك قوزعالىسىنا ۋاقىتشا شەكتەۋ قويۋ جوسپارلانعانىن حابارلادى, دەپ جازادى Egemen.kz استانا قالاسى اكىمدىگىنىڭ سايتىنا سىلتەمە جاساپ.
قالعان ۋاقىتتا قوزعالىستى شەكتەۋ شىۇ سامميتىنە قاتىسۋشىلاردىڭ سۇيەمەلدەۋىمەن جۇزەگە اسىرىلاتىن بولادى.
قالا اكىمدىگى تۇرعىنداردان كۇشەيتىلگەن قاۋىپسىزدىك رەجيمىنە تۇسىنىستىكپەن قاراۋدى سۇرايدى.
بۇعان دەيىن حابارلانعانداي, ەلوردادا, سونداي-اق الماتىدا, قاراعاندىدا جانە كوكشەتاۋدا شىۇ ءسامميتىن وتكىزۋ كەزەڭىندە 2-4 شىلدە ارالىعىندا تەرروريستىك قاۋىپتىلىكتىڭ «سارى» دەڭگەيى ەنگىزىلدى.
ەسكە سالا كەتەيىك, 2-4 شىلدە ارالىعىندا استاناداعى بىرقاتار ورتالىق كوشە بويىندا كولىكتى تۇراققا قويۋعا تىيىم سالىنادى.
ايتا كەتەرلىگى, استانادا 2 شىلدە مەن 4 شىلدە ارالىعىندا مەملەكەتتىك ورگاندار مەن كۆازيمەملەكەتتىك سەكتور قىزمەتكەرلەرىنىڭ 70%-عا دەيىنگىسى قاشىقتان جۇمىس ىستەۋ فورماتىنا اۋىستىرىلادى.