27 ماۋسىمدا پاريج-2024 ويىندارىنداعى بوكستان باستاپقى جەرەبە تارتۋ وتكىزىلدى, دەپ حابارلايدى Egemen.kz قازاقستان بوكس فەدەراتسياسىنا سىلتەمە جاساپ.
نەگىزگى جەرەبە 25 شىلدە North Paris Arena-دا وتەدى. ال اتالعان شارانىڭ ماقساتى – ءار سالماقتاعى توپ 8 بوكسشىنىڭ پوزيتسياسىن انىقتاۋ. ۇيىمداستىرۋشىنىڭ اقپاراتىنا سايكەس اتالعان جەرەبەدە تەك قۇرلىقتىق سايىستاردا ليتسەنزيا العان بوكسشىلار قاتىستىرىلعان. ويتكەنى قۇرلىقتىق سايىستار – ءار ەلگە جولداما يەلەنۋگە بەرىلگەن ەڭ العاشقى مۇمكىندىك.
قازاقستان بوكس فەدەراتسياسى مالىمدەمەسىندە: «اتالعان جەرەبەدەن كارينا يبراگيموۆا مەن قامشىبەك قوڭقاباەۆتى عانا كورە الدىق. سەبەبى ءدال وسى بوكسشىلار ازيا ويىندارىندا وليمپيادا جولداماسىن يەلەنگەن ەدى. كاريناعا (57 كەلى) دا, قامشىبەككە (+92 كەلى) دە ءوز سالماقتارىندا جەتىنشى ءنومىر تۇسكەن», دەلىنگەن.