«Taldau talks» ديالوگ الاڭىنىڭ كەزەكتى وتىرىسى ءوتتى. وندا ودم-نىڭ بەس نەگىزگى ماقساتىنا ارنالعان جيناق كوپشىلىككە تانىستىرىلدى. اتالعان ەڭبەكتى پارلامەنت سەناتى جانىنداعى ساراپشىلار كلۋبىنىڭ مۇشەلەرى مەن «تالداۋ مەكتەبى – شكولا اناليتيكي» جوباسىنىڭ ءۇشىنشى كەزەڭىنىڭ تۇلەكتەرى بىرلەسىپ ازىرلەدى.
مەملەكەت باسشىسى «ورنىقتى دامۋ ماقساتتارىنا قول جەتكىزۋ جولىنداعى پروگرەستى جەدەلدەتۋدىڭ نەگىزگى وتپەلى ۇدەرىستەرگە قاتىستى اۋقىمدى ءىس-قيمىلداردى جانداندىرۋ» اتتى كوشباسشىلار ديالوگىنىڭ ءبىرىنشى سەسسياسىندا سويلەگەن سوزىندە ۇلتتىق ستراتەگيالار مەن باعدارلامالاردى ازىرلەۋ كەزىندە ورنىقتى دامۋ قاعيداتتارىنىڭ ماڭىزى زور ەكەنىن اتاپ ءوتتى. مەملەكەت بيۋدجەتىنىڭ 80 پايىزى ورنىقتى دامۋ ماقساتتارىنا ساي كەلەدى.
ودم-عا قول جەتكىزۋ ماسەلەلەرىنە ارنالعان ماتەريالدار جيناعى – تالداۋشىلار مەن مەنتورلاردىڭ «تالداۋ مەكتەبى – شكولا اناليتيكي» جوباسىنىڭ وقىتۋ كۋرسى اياسىنداعى توپتىق جۇمىسىنىڭ قورىتىندىسى. ونىڭ ناتيجەلەرى ورتالىق جانە وڭىرلىك دەڭگەيلەردە نازارعا الىنادى. جيناقتا تالقىلانعان ماقساتتار كەدەيلىكتى جويۋ, دەنساۋلىق ساقتاۋ مەن ءبىلىم دەڭگەيىن ارتتىرۋ, سۋ ساپاسىن جاقسارتۋ جانە ەكونوميكالىق ءوسۋ ماسەلەلەرىنە قاتىستى ەكەنىن اتاپ وتكەن ءجون.
«پرەزيدەنت قاسىم-جومارت توقاەۆتىڭ تاپسىرماسىمەن پارلامەنت ۇكىمەتپەن, ازاماتتىق قوعامداستىقپەن جانە ساراپشىلارمەن بىرگە ورنىقتى دامۋ ماقساتتارىن ىسكە اسىرۋ باعىتىندا جۇيەلى جۇمىس جۇرگىزىپ كەلەدى. ءبىز ورنىقتى دامۋ سالاسىنداعى ۇلتتىق ماقساتتار مەن مىندەتتەردىڭ ىسكە اسىرىلۋىنا مونيتورينگ جۇرگىزۋ جونىندەگى پارلامەنتتىك كوميسسيا اياسىندا بىرىككەن ۇلتتار ۇيىمىنىڭ قۇرىلىمدارىمەن بەلسەندى بايلانىس ورناتتىق. وسى تۇرعىدان كەلگەندە, تالداۋ مەكتەبىنىڭ تاقىرىبى اتالعان باعىتپەن ۇندەس ەكەنىن ايتا كەتكەن ءجون. الداعى ۋاقىتتا جارىق كورىپ وتىرعان جيناق مۇددەلى مەملەكەتتىك ورگاندارعا, تالداۋ ورتالىقتارىنا جانە ۋنيۆەرسيتەتتەرگە جىبەرىلەدى», دەگەن پالاتا سپيكەرى ماۋلەن اشىمباەۆ قاتىسۋشىلارعا جوبانىڭ يدەياسىن قولداعاندارى ءۇشىن العىس ءبىلدىردى.
سونىمەن قاتار ساراپشىلار مەملەكەت باسشىسىنىڭ تاپسىرماسىمەن قۇرىلعان ورنىقتى دامۋ سالاسىنداعى ۇلتتىق ماقساتتار مەن مىندەتتەردىڭ ىسكە اسىرىلۋىنا مونيتورينگ جۇرگىزۋ جونىندەگى پارلامەنتتىك كوميسسيا اياسىندا ورنىقتى دامۋدىڭ قالعان ماقساتتارى بويىنشا دا جوبالار ازىرلەۋ جانە بىرلەسىپ جۇمىس ىستەۋ باعىتىنداعى باستامالاردى تالقىلادى.
جيناقتى تانىستىرۋ بارىسىندا بۇۇ-نىڭ قازاقستانداعى تۇراقتى ۇيلەستىرۋشىسى ميكاەلا فريبەرگ-ستوري, ەكونوميست الماس چۋكين, مەديا-مەنەدجەر ەلمار مۋرتازاەۆ جانە تاعى باسقا ساراپشىلار ءسوز سويلەپ, ۇسىنىستارىن ءبىلدىردى.
«Taldau talks» ديالوگ الاڭىنىڭ العاشقى وتىرىسى بيىل ناۋرىز ايىندا ءوتتى. ول كەزدە ءىس-شاراعا ارنايى شاقىرىلعان سپيكەر ورتالىق ازيا تاقىرىبى بويىنشا بەلگىلى امەريلىق مامان فرەدەريك ستارر ءسوز سويلەگەن ەدى.