ميالىدا نايزاعاي سوققان شەتەلدىك ازامات قازا تاپتى, دەپ حابارلايدى Egemen.kz «اق جايىق» باسىلىمىنا سىلتەمە جاساپ.
16 ماۋسىمدا ميالى اۋىلىندا ورنالاسقان جەكە تۇرعىن ۇيگە نايزاعاي تۇسكەن. ءۇي ورتەنىپ, ءسوندىرىلدى. بۇعان دەيىن بيلىك ءورت سالدارىنان زارداپ شەككەندەر جوق دەپ مالىمدەگەن ەدى. الايدا كەيىن بۇل ۇيدە ادام بار ەكەنى بەلگىلى بولدى.
ول 1989 جىلى تۋعان وزبەكستان ازاماتى بولىپ شىقتى. نايزاعاي تۇسكەن كەزدە ول سالىنىپ جاتقان ءۇيدىڭ اسحاناسىندا بولعان.
تەرگەۋ بارىسىندا 2024 جىلدىڭ 28 مامىرىندا «بەينەۋ» شەكارا زاستاۆاسى ارقىلى قازاقستانعا شەتەل ازاماتى كىرىپ, ميالى اۋىلى تۇرعىنىنىڭ ۇيىندە ۋاقىتشا تىركەلگەنى انىقتالدى.
ءمايىتتى تەكسەرۋ كەزىندە دەنە جاراقاتتارى تابىلمادى. ءمايىت سوت-مەديتسينالىق ساراپتاما جۇرگىزۋ ءۇشىن اۋداندىق اۋرۋحانانىڭ ءمايىتحاناسىنا جىبەرىلدى.