يوردانيانىڭ استاناسى – امماندا 17 جاسقا دەيىنگى قىزدار اراسىندا وتكەن كۇرەستەن ازيا بىرىنشىلىگىن قازاقستان قۇراماسى التى قولا مەدالمەن قورىتىندىلادى. ول جۇلدەلەردىڭ يەگەرلەرى – ءسانيا سولتانعالي (49 كگ), مادحيا ۋسمانوۆا (53 كگ), اننا ستراتان (57 كگ), ۇلدانا تىلەۋحان (65 كگ), زەينەپ ەلاماس (69 كگ) جانە اقبوتا قادىر (73 كگ). ودان كەيىن بوزكىلەمگە ەركىن كۇرەس شەبەرلەرى (U-17) شىقتى. جارىستىڭ العاشقى كۇنى ءامىر ورازباەۆ, ەرعالي بەيبارىس, باقداۋلەت اكىمجانوۆ ءۇشىنشى ورىنعا تابان تىرەسە, كەلەسى تاۋلىكتە بالۋاندار تولىق جۇلدەلەر جيىنتىعىنا يە بولدى. اتاپ ايتساق, ەدىگە قاسىمبەك التىن, بەكاسىل اسامبەك كۇمىس جانە بەكزات امانگەلدى قولا مەدالدى ەنشىلەدى.