«جاس عالىم» جوباسى

بۇل كونكۋرس جىل سايىن جوعارى بىلىكتى جانە باسەكەگە قابىلەتتى زەرتتەۋشىلەردى قالىپتاستىرۋ, عىلىمعا دارىندى جاستاردى تارتۋ جانە جاس زەرتتەۋشىلەردىڭ ۇلەسىن ارتتىرۋ ءۇشىن وتەدى.

جاس عالىمداردى گرانتتىق قارجىلاندىرۋعا ارنالعان كونكۋرس بويىنشا بارلىعى 541 كونكۋرستىق ءوتىنىم ۇسىنىلعان. ونىڭ ىشىندە 260 ءوتىنىم شەكتى بالل جيناپ, ۇلتتىق عىلىمي كەڭەستە (ۇعك) قارالدى. ناتيجەسىندە, جالپى سوماسى 8,78 ملرد تەڭگەگە 103 جوبا (وتكەن عتسج سانىنىڭ 40%-ى) 2024–2026 جىلدارعا ارنالعان قارجىلاندىرۋعا ماقۇلداندى.

ال 2024–2026 جىلدارعا ارنالعان «جاس عالىم» گرانتتىق قارجىلاندىرۋ كونكۋرسى بويىنشا 746 ءوتىنىم بەرىلىپ, سونىڭ ىشىندە 571 ءوتىنىم عتسج-قا جىبەرىلدى. ساراپتاما قورىتىندىسىندا 343 ءوتىنىم شەكتى دەڭگەيگە كوتەرىلىپ, ۇلتتىق عىلىمي كەڭەستىڭ قاراۋىنا جىبەرىلدى. ناتيجەسىندە, جالپى سوماسى 6,5 ملرد تەڭگەگە 225 جوبا (وتكەن عتسج سانىنىڭ 65%) پوستدوكتورانتتار ءۇشىن قارجىلاندىرىلادى.

ايتا كەتەيىك, گرانتتار ەكولوگيا, قورشاعان ورتا جانە تابيعاتتى ۇتىمدى پايدالانۋ; ەنەرگيا, وزىق ماتەريالدار جانە كولىك; وزىق ءوندىرىس, تسيفرلىق جانە عارىشتىق تەحنولوگيالار; ەلدىڭ زياتكەرلىك الەۋەتى; ءومىر جانە دەنساۋلىق تۋرالى عىلىم; اگروونەركاسىپتىك كەشەننىڭ تۇراقتى دامۋى; ۇلتتىق قاۋىپسىزدىك جانە قورعانىس, بيولوگيالىق قاۋىپسىزدىك سياقتى باعىتتار بويىنشا ءبولىندى.