ۇلتتىق سپورت عىلىمعا نەگىزدەلمەك

ءباسپاسوز كونفەرەنتسيا­سىنا تۋريزم جانە سپورت ۆيتسە-ءمينيسترى سەرىك جاراسباەۆ, V دكو دايىن­داۋ جانە وتكىزۋ جونىندەگى دي­رەكتسيا باسشىسى نايل نۇ­روۆ جانە ۇلتتىق سپورت قاۋىم­داستىعىنىڭ ۆيتسە-پرەزيدەنتى تاستانبەك ەسەنتاەۆ قاتىستى.

تاستانبەك ەسەنتاەۆ دۇنيە­جۇزىلىك كوشپەلىلەر ويىن­دارىنىڭ قارساڭىندا ۇلتتىق سپورت تۇرلەرى بويىنشا مامان­دار دايارلاۋ باعىتىندا جۇ­مىس­تار جۇرگىزىلىپ جاتقانىن اتاپ ءوتتى. ەلىمىزدە العاش رەت 2 كە­شەندى عىلىمي توپ قۇرىلدى. ولار جىلقى شارۋاشىلىعى باعىتىندا جانە ۇلتتىق سپورت تۇرلەرىنىڭ سپورتشىلارىن دايار­لاۋ بويىن­شا كەشەندى جۇمىس­تاردى جۇزەگە اسىرماق. عىلىمي توپتىڭ قۇرا­مىندا جەتەكشى عالىمدار, ۆەتەرينارلار, بيولوگتەر, گەنەتيكتەر, سپورتتىق پسي­حولوگيا جانە مەديتسينا ماماندارى بار.

بۇگىنگى تاڭدا الماتى وبلى­سىنداعى وليمپيادالىق دايارلاۋ ورتالىعىنىڭ بازاسىندا عا­لىمدار V دكو-عا قاتىساتىن سپورتشىلار مەن سپورتتىق جىلقىلاردىڭ فۋنكتسيونالدىق جانە پسيحولوگيالىق جاعدايىنا مونيتورينگ جۇرگىزىپ جاتىر.

قاۋىمداستىق قىزمەتىنىڭ باسىم باعىتتارىنىڭ ءبىرى – ۇلتتىق سپورت سالاسىندا بىلىكتى كادرلار دايارلاۋ.

«تاۋەلسىز قازاقستان تاري­حىندا العاشقى رەت «ات سپورتى­نىڭ ۆەتەرينارياسى» جانە «ات سپورتى تۇرلەرىنىڭ جاتتىقتى­رۋشىسى» مامان­دىقتارى بويىن­شا قازاق ۇلتتىق اگرارلىق زەرتتەۋ ۋنيۆەرسيتەتى جانە قازاق سپورت, تۋريزم اكادەميا­سى­مەن بىرلەسىپ ءبىلىم باع­دارلامالارى ازىرلەنىپ, ماماندار دايارلاۋ قولعا الىندى. ەكى ءبىلىم باع­دار­لاماسى دا يننوۆاتسيالىق مەملەكەتتىك تىزىمگە ەنگىزىلدى. بيىل اتالعان وقۋ ورىندارى 2 ما­ماندىق بويىنشا تالاپ­كەرلەردى قابىلدايدى», دەيدى تاستانبەك ەسەنتاەۆ.

بيىلعى ناۋرىزدا جوعارى ۇلتتىق سپورت مەكتەبى قۇرىلدى. مۇندا ۇلتتىق سپورت تۇرلەرى بو­يىن­شا مامانداردىڭ بىلىكتىلىگىن ارتتىرۋ جانە قولدانبالى زەرت­تەۋلەر جۇرگىزۋ باعىتىندا جۇمىس جۇزەگە اسادى. بۇگىندە جات­تىقتىرۋشىلار مەن تو­رە­شىلەردىڭ بىلىكتىلىگىن ارتتىرۋ باعىتىندا 8 باعدارلاما ازىر­لەنىپ, تورەشىلەر ءۇشىن «تەڭگە ءىلۋ», «كوكپار», «كوك-ءبورۋ» (قىر­عىز) سپورت تۇرلەرى بويىنشا بى­لىك­تىلىكتى ارتتىرۋ كۋرستارى وتكى­زىلىپ كەلەدى.

سونىمەن قاتار تاۋەلسىز قا­زاقستان تاريحىندا تۇڭعىش رەت ۇلتتىق سپورت قاۋىمداستىعى مەن دۇنيەجۇزىلىك ەتنوسپورت كونفەدەراتسياسى بىر­لەسە وتى­رىپ, وسى كۇزدە استا­نا قا­لاسىندا وتەتىن V دۇنيە­جۇ­زىلىك كوشپەلىلەر ويىندارىندا قازىلىق ەتەتىن تورە­شى­لەر­دىڭ حالىقارالىق سەمينارىن وتكىزۋدى كوزدەپ, يگى شارا كەس­تەسى مەن وقۋ باعدارلاماسى ازىرلەنىپ جاتىر.

بەلگىلى كاسىپكەر, مەتسەنات, «Altyn Qyran Foundation» قو­عامدىق قورى قامقورشىلىق كەڭەسىنىڭ توراعاسى يسلامبەك سال­جانوۆ باسقاراتىن ۇلتتىق سپورت قاۋىمداستىعىنىڭ قۇرا­مىنا بايگە, كوكپار, تەڭگە ءىلۋ, اۋدارىسپاق, جامبى اتۋ, ساداق اتۋ, قۇسبەگىلىك, اسىق اتۋ, «JORYQ» ات سپورتى جانە ت.ب. فەدەراتسيالار كىرەدى.