سەنات توراعاسىنىڭ ورىنباسارى جاقىپ اسانوۆ: ۇدەتكىشتەر – تىڭداۋ جانە ىسكە اسىرۋ مۇمكىندىگى

بۇل كەزدەسۋ قازاقستانداعى بۇۇ دامۋ باعدارلاماسىنىڭ (بۇۇدب), قازاقستان رەسپۋبليكاسى پارلامەنتى سەناتىنىڭ قوعامدىق جوبالىق كەڭسەسىنىڭ جانە Maqsut Narikbayev University-ءنىڭ قولداۋىمەن ۇيىمداستىرىلدى.

سەنات توراعاسىنىڭ ورىنباسارى جاقىپ اسانوۆ ءوز سوزىندە سەناتتىڭ قوعامدىق جوبالىق كەڭسەسىنىڭ قىزمەتى اياسىندا MNU جانىنداعى ودم ۇدەتكىشى قۇرىلعانىن اتاپ وتە كەلىپ, ول كەم دەگەندە ەكى نەگىزگى مىندەتتى شەشەتىن ەكوجۇيە ەكەنىنە توقتالدى.

ء«بىرىنشىسى – بەلگىلى ءبىر ماقساتپەن بىرىككەن ادامداردىڭ توبىن كۇمبەزدىڭ استىنا تارتۋ, وندا ولار وزدەرىنىڭ تالداۋ, ينتەللەكتۋالدى جانە ۇيىمداستىرۋشىلىق قابىلەتتەرىن كورسەتە الادى. ەكىنشىسى – ولاردىڭ ەڭ جاقسى يدەيالارىن مەملەكەتتىك شەشىمدەردىڭ دايىن جوباسىنا اينالدىرۋ. نەگىزىندە, ۇدەتكىش – بۇل تومەنگى جاقتىڭ باستامالارىن جوعارعى جاقتا ەستىلۋى مەن تىڭدالۋى, ولاردى جۇزەگە اسىرۋعا كومەكتەسۋ مۇمكىندىگى. قازىر ونىڭ كۇمبەزىنىڭ استىندا 10 ودم كومانداسى جۇمىس ىستەيدى, وعان عالىمدار, ەرىكتىلەر, حالىقارالىق جانە مەملەكەتتىك ۇيىمداردىڭ وكىلدەرى تارتىلدى», - دەپ اتاپ ءوتتى جاقىپ اسانوۆ.

كوكشەتاۋدا 120 ەرىكتىدەن قۇرالعان 10 كوماندا ءوز جوبالارى مەن ارالىق ناتيجەلەرىن تانىستىرۋ جانە ورنىقتى دامۋ ماقساتتارىنا جەتۋ ءۇشىن قانداي ناقتى شارالار ۇسىناتىنىن ايتۋ ءۇشىن جينالدى. كوماندالار اكىمدىكتىڭ سالالىق قۇرىلىمدارىمەن جانە اۋماقتىق مەملەكەتتىك ورگاندارمەن بىرگە يدەيالار مەن ۇسىنىستاردى تالقىلادى, سونداي-اق بۇدان بىلايعى بىرلەسكەن جۇمىس جوسپارىن بەلگىلەدى.

كەزدەسۋ بارلىق قاتىسۋشىلارعا جوبالارمەن تانىسۋعا, پىكىر الماسۋعا جانە وڭىرلىك باعدارلامالار مەن باستامالاردى جاقسارتۋ ءۇشىن ۇسىنىستار ەنگىزۋگە مۇمكىندىك بەردى.

شاراعا اقمولا وبلىسى اكىمدىگىنىڭ باسشىلىعى, بۇۇدب ساراپشىلارى, ءماسليحاتتار حاتشىلارى, وبلىستىڭ قالالارى مەن اۋداندارىنىڭ اكىمدەرى, جەرگىلىكتى جانە اۋماقتىق مەملەكەتتىك ورگانداردىڭ باسشىلارى, بيزنەس, ۇەۇ, سونداي-اق وڭىرلىك دامۋ ينستيتۋتتارىنىڭ وكىلدەرى قاتىستى.