بۇدان بىلاي ايىپپۇل تولەۋدى كەشىكتىرگەن ەل ازاماتتارىنىڭ مۇلكىنە شەكتەۋ قويىلمايدى, دەپ جازادى Egemen.kz.
بۇگىن ادىلەت ۆيتسە-ءمينيسترى بەكبولات مولدابەكوۆ ورتالىق كوممۋنيكالار الاڭىندا وتكەن بريفينگتە 50 كۇندە ايىپپۇل تولەۋ مەرزىمى بىتكەن ازاماتتارعا تاعى دا حابارلاما جىبەرىلەتىنىن ايتتى. دالىرەك ايتقاندا, بۇرىنعىداي ىسكە جەكە سوت ورىنداۋشىلارى ارالاسپايدى ءارى ولاردىڭ قىزمەتىنە تولەنەتىن 25 پايىز قارجى تۇرعىنداردىڭ قالتاسىندا قالادى.
وسى باعىتتاعى جەكە سوت ورىنداۋشىنىڭ قىزمەتىن روبوتتار اتقارادى.
«ماسەلەن, «سەرگەك» كامەراسى ارقىلى ايىپپۇل ارقالاپ, ونى تولەۋگە ۇلگەرمەي قالساڭىز ءسىز قولداناتىن بانك قوسىمشالارىنا SMS جانە push-حابارلاما جىبەرەمىز. روبوت جۇمىسى ارقىلى جىل سايىن ازاماتتاردىڭ 2,2 ميلليارد تەڭگەسىن ۇنەمدەۋ جوسپارلانىپ وتىر. وسىلايشا, جەكە سوت ورىنداۋشىعا ارتىق اقشا تولەنبەيدى», دەدى بەكبولات مولدابەكوۆ.