ەلىمىز بويىنشا سۋ قويمالارىنا جينالعان سۋ 100 پايىزعا جۋىقتادى, نىساندار شتاتتىق كەستەگە سايكەس جۇمىس ىستەپ تۇر, دەپ حابارلايدى Egemen.kz سۋ رەسۋرستارى جانە يرريگاتسيا مينيسترلىگى مالىمەتىنە سىلتەمە جاساپ.
باتىس قازاقستان وبلىسىنداعى ءتورت ءىرى سۋ قويماسى 91%-عا تولدى. اقمولا وبلىسىنداعى ەكى ءىرى سۋ قويماسى 97,4%-عا تولىپ وتىر. سولتۇستىك قازاقستان وبلىسىنداعى 2 ءىرى سۋ قويماسى 99,6%-عا تولعان. اقتوبە وبلىسىندا ەكى ءىرى سۋ قويماسىنىڭ ورتاشا سۋ جيناۋ كورسەتكىشى 88,5%. شىعىس قازاقستان وبلىسىندا ەكى ءىرى سۋ قويماسى بويىنشا ورتاشا سۋ جيناۋ كورسەتكىشى 92,6%. اباي وبلىسىندا ءشۇلبى سۋ قويماسى 91%-عا تولعان. قاراعاندى وبلىسىنداعى 3 ءىرى سۋ قويماسى 99%-عا تولدى. قوستاناي وبلىسىندا ەكى ءىرى سۋ قويماسىنىڭ ورتاشا سۋ جيناۋ كورسەتكىشى 88,6%. ەسكە سالايىق, سۋ قويمالارىنا جينالعان سۋ اۋىلشارۋاشىلىعى مەن ونەركاسىپتە پايدالانۋ ءۇشىن جىبەرىلەدى.