جيىن وتكەن ساعادات نۇرماعامبەتوۆ اتىنداعى قۇرلىق اسكەرلەرى اسكەري ينستيتۋتىنىڭ ء«الي» وقۋ ورتالىعىندا بارلىق قاجەتتى ينفراقۇرىلىم جاسالدى. وندا شاتىرلى قالاشىق جابدىقتالىپ, جارىس الاڭدارى دايىندالىپ, باعدارلار سالىندى, دەپ جازادى Egemen.kz.
وتكەن دەمالىس كۇندەرى الماتى قالاسىنا ازەربايجان, بەلارۋس, قازاقستان, قىرعىزستان, رەسەي جانە وزبەكستان اسكەري-پاتريوتتىق كلۋبتارىنىڭ 14-17 جاس ارالىعىنداعى 750 جاس پاتريوتى باردى.
ء«الي» وقۋ ورتالىعى اۋماعىندا ورنالاسقان دالالىق لاگەر ناقتى كەستەگە سايكەس ءومىر سۇرۋدە. بۇگىن تاڭعى ساپقا تۇرۋدا دەسانتتىق-شابۋىلداۋ اسكەرلەرى قولباسشىسىنىڭ ورىنباسارى پولكوۆنيك رادجان جانىسوۆ تۋعان كۇن يەلەرىن قۇتتىقتادى. ولاردىڭ قاتارىندا جامبىل وبلىسى «ايبار» اسكەري-پاتريوتتىق كلۋبىنىڭ تاربيەلەنۋشىسى نياز پاشاليەۆ, قر مەملەكەتتىك كۇزەت قىزمەتى «جاس قالقان» اسكەري-پاتريوتتىق كلۋبىنىڭ تاربيەلەنۋشىسى ارلان اشەربەكوۆ, قر ۇقك شەكارا قىزمەتى «جاس شەكاراشى» اسكەري-پاتريوتتىق كلۋبىنىڭ تاربيەلەنۋشىسى ءالنۇر نۇرالى, «باتىس» وڭىرلىك قولباسشىلىعى «باتىس» اسكەري-پاتريوتتىق كلۋبىنىڭ تاربيەلەنۋشىسى ايكوركەم امانقوس جانە پاۆلودار وبلىسى قابانباي باتىر اتىنداعى «جاس سارباز» مامانداندىرىلعان ليتسەي-مەكتەپ-ينتەرناتىنىڭ تاربيەلەنۋشىسى ارىستان مۇباراك بار.
«جارىستار باستالدى. باعدارلامادا اك-74 اۆتوماتىن جارتىلاي بولشەكتەۋ جانە قۇراستىرۋدان نورماتيۆتەردى ورىنداۋ, «ايبىن دارىنى» زياتكەرلىك ويىنى, ۇلتتىق سپورت تۇرلەرى بويىنشا جارىستار جانە Smart sarbaz بايقاۋى بار», دەپ اتاپ ءوتتى «جاس سارباز» رەسپۋبليكالىق اسكەري-پاتريوتتىق قوزعالىسىنىڭ توراعاسى مايور مەيىربەك مەڭدىعاليەۆ.
ەستەرىڭىزگە سالا كەتەيىك, اسكەري-پاتريوتتىق جيىن كەڭەس وداعىنىڭ باتىرى, № 1 حالىق قاھارمانى, تاۋەلسىز قازاقستاننىڭ تۇڭعىش قورعانىس ءمينيسترى ارميا گەنەرالى ساعادات نۇرماعامبەتوۆتىڭ تۋعانىنا 100 جىل تولۋىنا ورايلاستىرىلعان.
جيىننىڭ سالتاناتتى اشىلۋى ەرتەڭ كورنەكتى اسكەري قولباسشىنىڭ ەسىمىمەن اتالاتىن قۇرلىق اسكەرلەرىنىڭ اسكەري ينستيتۋتىندا وتەدى.