شىمكەنتتەگى كاسىپورىندا زاڭبۇزۋشىلىقتار انىقتالعاننان كەيىن سپيرت زاۋىتىنىڭ باسشىسى قۇقىق قىزمەتكەرلەرىنە پارا ۇسىنعان. ول ۇستالدى, - دەپ حابارلايدى Egemen.kz.
Otyrar.kz جازعانداي, شىمكەنتتە ەكونوميكالىق تەرگەۋ دەپارتامەنتىنىڭ قىزمەتكەرلەرى جالعان الكوگول ءونىمىن ءوندىرىپ, ساتاتىن استىرتىن تسەحتى اشكەرەلەگەن. ولار جەرگىلىكتى زاۋىتتا وندىرىلگەن الكوگولدى شيكىزات رەتىندە پايدالانعان.
وقيعا ورنىنا بارعان جەدەل توپ ورەسكەل زاڭبۇزۋشىلىقتاردى انىقتاعانىمەن, زاۋىت قوجايىنى ءىستى جابۋ ءۇشىن قىزمەتكەرلەرگە 20 مىڭ دوللار جانە تاعى ميلليون تەڭگە پارا ۇسىنعان. ناتيجەسىندە استىرتىن تسەحتى ۇيىمداستىرۋشىلار زاڭسىز كاسىپكەرلىكپەن اينالىستى, ال سپيرت زاۋىتىنىڭ ديرەكتورى ءىرى كولەمدە پارا بەردى دەپ ايىپتالىپ وتىر.
- سوتالدى تەرگەۋ بارىسىندا شىمكەنت تۇرعىندارى جالعان الكوگول ءونىمىن ودان ءارى ءوندىرۋ ءۇشىن زاۋىتتان الكوگول ساتىپ العانى انىقتالدى. وسىعان بايلانىستى تەرگەۋ ورگانى سپيرت زاۋىتىنىڭ قىزمەتىنە تەكسەرۋ جۇرگىزدى, ونىڭ بارىسىندا ەسەپكە الىنباعان سپيرت ءوندىرۋ بويىنشا زاڭسىز كاسىپكەرلىك قىزمەتتى جۇزەگە اسىرۋ دەرەگى انىقتالدى. سونىمەن قاتار, مەرەكە جانە دەمالىس كۇندەرى ەسەپكە الىنباعان ءسپيرتتى زاڭسىز جونەلتۋدىڭ ءمان-جايى انىقتالدى, بۇل "ەتيل ءسپيرتىن ساقتاۋ جانە وتكىزۋ ەرەجەسىن" بۇزۋعا اكەپ سوقتىردى, - دەدى شىمكەنت پروكۋراتۋراسىنىڭ ءبىرىنشى ءبولىمى باستىعىنىڭ ورىنباسارى باۋىرجان كارمانوۆ.