قازگيدرومەت قاۋىپتى اگرومەتەورولوگيالىق قۇبىلىس تۋرالى ەسكەرتۋ جاريالادى, دەپ حابارلايدى Egemen.kz.
قازاقستاننىڭ اتىراۋ, جامبىل, قىزىلوردا, ماڭعىستاۋ, اقتوبە, تۇركىستان, باتىس قازاقستان وبلىستارىندا الداعى 10 كۇندە قۇرعاقشىلىق بولادى دەپ بولجانىپ وتىر.
- اتىراۋ وبلىسى ايماعىندا, جامبىل وبلىسىنىڭ شۋ اۋدانىندا, باتىس قازاقستان وبلىسىنىڭ بوكەيوردا اۋدانىندا, قىزىلوردا وبلىسىنىڭ جالاعاش اۋدانىندا, ماڭعىستاۋ وبلىسىنىڭ بەينەۋ اۋدانىندا, اقتوبە وبلىسىنىڭ شالقار مەن بايعانين اۋداندارىندا, تۇركىستان وبلىسىنىڭ ارىس, كەنتاۋ, وتىرار, سوزاق اۋداندارىندا الداعى 10 كۇندە اتموسفەرالىق قۇرعاقشىلىق باستالادى, - دەيدى سينوپتيكتەر.
ماۋسىمعا اۋا رايى بولجامى جاريالاندى. ماۋسىم ايىندا 9 وبلىستا قۇرعاقشىلىق كۇتىلەدى.