سينوپتيكتەر قازاقستاندا 13, 14, 15 ماۋسىمدا اۋا رايى قانداي بولاتىنى تۋرالى بولجام جاسادى, دەپ حابارلايدى Egemen.kz.
الداعى كۇندەرى قازاقستاننىڭ باسىم بولىگىندە اۋا رايى تۇراقسىز بولادى. رەسپۋبليكانىڭ سولتۇستىگىندە, شىعىسىندا جانە ورتالىعىندا نايزاعاي ويناپ, بۇرشاق جاۋى مۇمكىن. 13-15 ماۋسىمدا شىعىس پەن ورتالىقتا, 14 ماۋسىمدا ەلدىڭ سولتۇستىگى مەن وڭتۇستىك-شىعىسىندا نوسەر جاۋادى دەپ كۇتىلەدى.
«ەلدىڭ باتىسىندا كۇندىز اۋا تەمپەراتۋراسى +33...+40 گرادۋس ىستىققا دەيىن كوتەرىلسە, ەلدىڭ سولتۇستىگىندە, ورتالىعىندا +20...+28-دەن +25...+30 گرادۋسقا دەيىن, وڭتۇستىكتە +27...+35-تەن +30...+40 گرادۋسقا دەيىن, وڭتۇستىك-شىعىستا +22...+30-دان +25...+35 گرادۋسقا دەيىن, شىعىستا +22...+30-دان +20...+28 گرادۋسقا دەيىن شامالى تومەندەيدى», دەلىنگەن حابارلامادا.