زاڭسىز قۇرىلىس جارعا جىعادى

تاعى ءبىر توقتالا كەتەتىن جايت, تىزىمگە قۇرىلىسى ءالى باستالماعان رۇقسات قۇجاتى جوق نىساندار دا كىردى. باسقارما وكىلدەرى وسىنداي تۇك بويىنشا ۇسىنىستار ينتەرنەت رەسۋرستاردىڭ مونيتورينگى ناتيجەسىندە انىقتالعانىن العا تارتىپ وتىر.

الماتىنىڭ قالا قۇرىلىسىن باقىلاۋ باسقارماسى بىلتىرعى جىل­دىڭ باسىنان بەرى سوتتارعا زاڭ­ناما مەن قۇرىلىس نورما­لا­رى­نىڭ تالابىن بۇزعانى ءۇشىن 230 تا­لاپ-ارىز جولدانعانىن حابارلادى. ­بۇل رەتتە 96 نىسان تولىق نەمەسە ­جارتىلاي بۇزۋدى تالاپ ەتەدى.

سونىمەن سۇرىلەتىن نى­سان­داردىڭ ىشىندە تۇك پەن تاۋنحاۋستار بار بولسا دا, مىندەتىنە سالعىرت قارا­عان قۇرىلىس سالۋشىلار بىرقاتار پاتەردى ساتىپ ۇلگەرگەن. كوبىنە قۇرىلىس سالۋشىلار قولدانىستاعى زاڭناماعا سايكەس ۇلەسكەرلەردىڭ قاراجاتىن تارتۋ ءۇشىن 3-قاباتقا دەيىنگى تۇرعىن ۇيلەرگە رۇقسات تالاپ ەتىلمەيتىندىگىن پايدالانادى. بۇل كوبىنەسە باستاپقى جىلجى­مايتىن م ۇلىك نارىعىنداعى كۇ­ماندى مامىلەلەرگە ىقپال ەتەدى. وسىنداي جاعدايدا تەكسەرۋ مەن سوت تالقىلاۋىن جۇرگىزۋدىڭ قۇقىق­تىق نورماسىندا بەلگىلەنگەن راسىم­دەرىنىڭ ۇزاقتىعى مىندەتىنە كوز جۇمىپ قاراعان جاۋاپسىز قۇرىلىس سالۋشىعا زاڭسىز نىساندا پاتەرلەر مەن تۇرعىن ەمەس ءۇي-جايلاردىڭ بەلگىلى ءبىر سانىن ساتۋعا مۇمكىندىك بەرەدى.

قالا قۇرىلىسىن باقىلاۋ باس­قار­ماسى جۇيەلى تۇردە باق-تا قا­لا تۇرعىندارىن قۇلاقتاندىرۋ ءۇشىن جىل­جىمايتىن م ۇلىك ساتىپ الۋعا ۇسى­نىلمايتىن تۇرعىن ءۇي كەشەن­دەرى تۋرالى اقپارات جاريا­لايدى.

الايدا جىلجىمايتىن مۇ­لىك نارىعىنداعى مامىلەدەگى شى­عىن­­داردىڭ الدىن الىپ, كەيىن سازعا وتىرىپ قالماۋ ءۇشىن قۇرىلىس سالۋشىدان تولىق رۇق­سات قۇجاتتارىن تالاپ ەتە وتىرىپ, قالا قۇرىلىسىن باقىلاۋ باسقارماسىنىڭ +7 705 896 6000 WhatsApp انىقتامالىق ارناسى ارقىلى ءتيىستى قۇجاتتارىنىڭ بار-جوعى تۋرالى سەنىمدى اقپارات الۋ قاجەت ەكەنىن ۇمىتپاعان ءجون. قالا قۇرىلىسى جانە ۋربانيستيكا باسقارماسىنان قۇرىلىس سالۋشىدان ۇلەسكەرلەردىڭ قاراجاتىن تارتۋعا رۇقساتتىڭ بولۋى تۋرالى اقپارات الۋعا بولادى.

ەگەر تۇتىنۋشى جىلجىمايتىن م ۇلىكتى زاڭسىز نىساندا ساتىپ السا, قۇرىلىس سالۋشى قاراجاتتى قايتارۋدان باس تارتقان جاعدايدا الماتى قالالىق ەكونوميكالىق تەرگەۋ دەپارتامەنتىنە جانە قۇقىق قورعاۋ ورگاندارىنا وتىنىشپەن جۇگىنۋى كەرەك.

باسقارما سونىمەن قاتار وسى نىسانداردىڭ بىرقاتارى نەلىكتەن جارتىلاي سالىنعانىن جانە ولار­دىڭ قۇرىلىسى باستاپقى كەزەڭدە قانداي سەبەپپەن توقتاتىلماعانىن ءتۇسىندىردى.

«قازىرگى تاڭدا ساۋلەت-قۇرىلىس باقىلاۋ ورگاندارى قۇرىلىس نى­ساندارىنا كەدەرگىسىز بارۋ قۇقى­عىنان ايىرىلدى. جوسپاردان تىس تەكسەرۋلەر كاسىپكەرلىك كودەكسىمەن رەگلامەنتتەلەدى جانە تەك رەسمي ءوتىنىش نەگىزىندە جۇر­گىزىلەدى. وسىلايشا, زاڭسىز قۇرىلىس فاك­تىسىن تىركەۋ جانە قۇرىلىس سالۋ­شى­عا شارا قولدانۋ ءۇشىن جوسپاردان تىس تەكسەرۋ جۇرگىزۋ قاجەت», دەيدى جوعارىداعى باسقارما وكىل­دەرى.

رەسمي ءوتىنىش العاننان كەيىن ماتەريالداردى جيناۋدى جانە تەكسەرۋدى بپ قۇقىقتىق ستاتيس­تيكا جانە ارنايى ەسەپكە الۋ كوميتەتىنىڭ باسقارماسىندا تىركەۋ ۇدەرىسى جۇرەدى. تەكسەرۋ قورىتىندىسىمەن بۇزۋشىلىق انىقتالعان جاعدايدا, ولاردى جويۋ­عا جانە قۇرىلىس-مونتاج جۇمىس­تارىن توقتاتا تۇ­رۋعا نۇسقاما بەرىلەدى.

نۇسقاۋ مەرزىمى وتكەننەن كەيىن تەكسەرۋ سۋبەكتىسى نۇسقاما تالاپ­تارىنىڭ ورىندالۋى تۋرالى اق­پارات بەرۋگە ءتيىس. ەگەر بۇزۋ­شىلىق جويىلماسا, ماتەريالدار جۇ­مىس­تاردى توقتاتا تۇرۋ جانە اكىم­شىلىك جاۋاپكەرشىلىككە تارتۋ تۋرالى ۇدە­رىستىك شەشىم قابىلداۋ ءۇشىن ما­مان­داندىرىلعان اۋدانارالىق اكىم­شىلىك سوتقا جىبەرىلەدى. سودان كە­يىن نىساندى بۇزۋ تۋرالى ازا­مات­تىق تارتىپتە سوتقا تالاپ-ارىز جول­­دانادى. سوت ۇدەرىستەرى نىسان­نىڭ كو­لەمىنە جانە ءىستىڭ كۇردە­لىلى­گىنە باي­لانىستى بىرنەشە ايعا سوزىلادى.

قىسقاسى, زاڭسىز قۇرىلىس ماسە­لەسى قالا بيلىگىنىڭ قاتاڭ باقى­لاۋىندا ەكەنىن ايتا كەتۋ كەرەك. قالا باسشىسىنىڭ تاپسىرماسى­مەن مەگاپوليس بويىنشا تالاپ قويۋ قىزمەتىنىڭ ناتيجەسىنە ساي­كەس وتكەن جىلدان باستاپ 35 زاڭ­سىز نىسان تولىق نەمەسە جارتىلاي بۇزىلدى. ونىڭ ىشىندە بيزنەس ورتالىقتار, مەيرامحانالار, قوسالقى عيماراتتار مەن اۆتوسەر­ۆيستەر, سونداي-اق «مەچتا» جانە «Khan» سياقتى ءىرى تۇرعىن ءۇي كە­شەندەرى بار.

الماتى