ءال-فارابي اتىنداعى قازۇۋ-دىڭ 90 جىلدىعىنا وراي كۇردەلى جوندەۋدەن وتكەن ستاديون پايدالانۋعا بەرىلدى, دەپ حابارلايدى Egemen.kz.
جاڭارتىلعان ستاديوننىڭ سالتاناتتى اشىلۋىنا قازۇۋ باسقارما توراعاسى-رەكتور جانسەيىت تۇيمەباەۆ جاڭارتىلعان سپورتتىق نىساننىڭ وقىتۋشىلار مەن ستۋدەنتتەردىڭ دەنساۋلىعى ءۇشىن ماڭىزدىلىعىن اتاپ ءوتتى.
«قازۇۋ ستاديونى 1986 جىلى سالىنعان بولاتىن. بۇگىندە ورتالىق ازياداعى بىرەگەي ۋنيۆەرسيتەتتىك سپورت الاڭى رەتىندە قازۇۋ قۇرىلىسىنىڭ II كەزەڭى اياسىندا جاڭارتىلدى. جوعارى ساپاداعى, زاماناۋي ۇلگىدەگى ستاديون ۋەفا مەن فيفا ۇيىمدارىنىڭ حالىقارالىق تالاپتارىنا ساي جاسالعان. فۋتبول الاڭىنىڭ جاساندى جابىندىسى مەن درەناج جۇيەسى الەمدەگى توپ-3, ورتالىق ازياداعى توپ-1 تالابىنا سايكەس كەلەدى. ءۇش مىڭ ورىندىق كورەرمەن تريبۋناسى, كيىم اۋىستىراتىن بولمە, جۋىناتىن ورىندار سوڭعى ۇلگىدە جابدىقتالعان. سپورتپەن شۇعىلدانۋشى جاستارعا جان-جاقتى جاعداي جاسالعان, وسى ستاديوندا الەم چەمپيوندارى جاتتىعىپ, جاڭا رەكوردتار جاسايتىنىنا سەنىمدىمىن», دەدى رەكتور ءوز سوزىندە.
ستاديوندا فۋتبول الاڭىنان بولەك, جۇگىرۋ جولاقتارى, ۆەلوسيپەدشىلەرگە جانە جاياۋ جۇرگىنشىلەرگە ارنالعان جول, ترەناجەرلار اباتتاندىرىلعان ءارى جاڭا ۇلگىدەگى جارىق بەرەتىن ۇلكەن شامدار ورناتىلعان الاڭنىڭ ءسانىن كەلتىرىپ تۇر.
سالتاناتتى اشىلۋ راسىمىنەن سوڭ وقىتۋشىلار مەن سپورتشى جاستاردىڭ قاتىسۋىمەن فۋتبولدان جولداستىق كەزدەسۋ ءوتتى.