ەكىجاقتى تاكتيكالىق-ارنايى وقۋ-جاتتىعۋلار قازاقستان مەن تاجىكستان قارۋلى كۇشتەرى اسكەري قىزمەتشىلەرىنىڭ قاتىسۋىمەن ءوتىپ جاتىر. ءىس-قيمىلدار «ماگوب» وقۋ ورتالىعىندا ۇيىمداستىرىلدى, دەپ حابارلايدى Egemen.kz قر قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
قازاقستان دەسانتتىق-شابۋىلداۋ اسكەرلەرى مەن قابىلداۋشى تاراپتىڭ ارنايى ماقساتتاعى بولىمشەلەرىنىڭ اسكەري قىزمەتشىلەرى تاۋلى جەرلەردە وقۋ-جاۋىنگەرلىك مىندەتتەر كەشەنىن پىسىقتايدى.
«بىرلەسكەن وقۋ-جاتتىعۋدى وتكىزۋ تۋرالى شەشىم وسى جىلدىڭ ءساۋىر ايىندا دۋشانبەدە وتكەن شتابتىق كەلىسسوزدەردە قابىلدانعان ەدى. كەزدەسۋدە تاراپتار ورتالىق ازيا وڭىرىندەگى تەرروريستىك جانە ءدىني-ەكسترەميستىك ۇيىمداردىڭ قىزمەتىنە بايلانىستى اسكەري-ساياسي جاعدايدى, قاۋىپ-قاتەرلەر مەن سىن-تەگەۋرىندەردى تالقىلادى. وسىعان سايكەس وقۋ-جاتتىعۋدىڭ مازمۇنى ازىرلەنىپ, تاۋلى جەردە ۇرىس جۇرگىزۋ تاسىلدەرى مودەلدەندى», دەپ مالىمدەدى قر قورعانىس مينيسترىلىگىنىڭ وكىلدەرى.
وقۋ-جاتتىعۋلاردى وتكىزۋ ماقساتى - بولىمشەلەردىڭ دالالىق داعدىلارىن جەتىلدىرۋ, تاۋلى جەردە ارنايى ءىس-شارالاردى ورىنداۋ كەزىندە كومانديرلەردىڭ بولىمشەلەردى باسقارۋدا تاجىريبە الۋى, سونداي-اق ەكى ەل قارۋلى كۇشتەرىنىڭ بولىمشەلەرى اراسىنداعى ءوزارا ءىس-قيمىل مەن تاجىريبە الماسۋ.
ايتا كەتەيىك, وقۋ-جاتتىعۋ 9 ماۋسىمعا دەيىن وتەدى.
قىرمىزى جۇماعاليقىزى,
ەۇۋ ستۋدەنتى