پارلامەنت سەناتىنىڭ توراعاسى ماۋلەن اشىمباەۆ مەملەكەتتىك رامىزدەر كۇنى مەرەكەسىنە وراي الەۋمەتتىك جەلىلەردە قۇتتىقتاۋ جازباسىن قالدىردى, دەپ حابارلايدى Egemen.kz.
«بارشاڭىزدى مەملەكەتتىك رامىزدەر كۇنىمەن شىن جۇرەكتەن قۇتتىقتايمىن! ءبىزدىڭ تۋىمىز, ەلتاڭبامىز جانە ءانۇرانىمىز – ۇلتتى ۇيىستىراتىن جانە حالىققا رۋح بەرەتىن قاستەرلى دە قاسيەتتى نىشاندارىمىز. ولاردى قادىرلەۋ, قورعاۋ جانە قۇرمەتتەۋ ءار قازاقستاندىقتىڭ – ابىرويلى مىندەتى.
بۇگىن وسى مەرەكەگە وراي پرەزيدەنتىمىز قاسىم-جومارت كەمەل ۇلى توقاەۆ مەملەكەتتىك تۋ كوتەرۋ راسىمىنە قاتىستى. داستۇرگە اينالعان مۇنداي ءىس-شارا ەڭ قىمبات قۇندىلىقتارىمىزدى ۇلىقتاۋدىڭ ماڭىزىن كەڭىنەن دارىپتەپ, ازاماتتارىمىزدىڭ پاتريوتتىق سەزىمىن ارتتىرا تۇسەتىنى انىق.
بارشاڭىزدى اتاۋلى كۇنمەن قۇتتىقتاي وتىرىپ, ەلدىگىمىز ەڭسەلى, تاۋەلسىزدىگىمىز باياندى بولسىن دەپ تىلەيمىن! كوك بايراعىمىز كوگىمىزدە جەلبىرەپ, ءانۇرانىمىز ماڭگىلىك شىرقالا بەرسىن!», دەلىنگەن قۇتتىقتاۋ تىلەگىندە.