اۋىل شارۋاشىلىعى مينيسترلىگى اگروونەركاسىپ كەشەنىندەگى مەملەكەتتىك ينسپەكتسيا كوميتەتى شەتەلدەن اكەلىنگەن 60 توننا قىزاناق كەرى قايتارىلعانىن مالىمدەدى, دەپ جازادى Egemen.kz.
بيىل شەت مەملەكەتتەردەن جالپى 1075 اۆتوكولىككە تيەلگەن 15637,802 توننا قىزاناق ءونىمى يمپورتتالىپ, ونىڭ ىشىندە, 29,522 توننا قىزاناق ونىمدەرى كەرى قايتارىلعان. ولاردىڭ فيتوسانيتاريالىق تالاپقا (فيتوسانيتاريالىق سەرتيفيكاتتىڭ بولماۋى, تاڭبانىڭ بولماۋى) ساي كەلمەيتىنى انىقتالدى.
ال تۇركىمەنستان (56,1 توننا) مەن وزبەكستاننان (4,2 توننا) اكەلىنگەن قىزاناق ونىمدەرىنەن «قىزاناق جەمىسىنىڭ قوڭىر قاتپارلى ۆيرۋسى» انىقتالدى.
ناتيجەسىندە ونىمدەردى ەلگە كىرگىزۋگە تىيىم سالىنىپ, كەرى قايتارىلدى.