ەلباسى نۇرسۇلتان نازارباەۆ ۋكراينا پرەزيدەنتى پەتر پوروشەنكومەن تەلەفون ارقىلى ءسويلەستى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىلارى ۋكرايناداعى قازىرگى احۋالدى, سونداي-اق, ەكىجاقتى ىنتىماقتاستىق ماسەلەلەرىن تالقىلادى.
پ.پوروشەنكو جوعارى دەڭگەيدەگى كەزدەسۋدى ءوزىنىڭ استانادا وتكىزۋگە ىقىلاستى ەكەنىن راستادى. ول, سونىمەن قاتار, تاياۋ ۋاقىتتا «نورماند تورتتىگىنىڭ» سىرتقى ىستەر مينيسترلەرى مەن شىعىس ۋكرايناداعى داعدارىس جونىندەگى بايلانىس توبىنىڭ كەزدەسۋى وتەتىنىن, وندا قازاقستاننىڭ ەلورداسىندا تالقىلاناتىن قۇجاتتىڭ جوباسى ازىرلەنەتىنىن اتاپ ءوتتى.
اڭگىمە بارىسىندا ۋكراينا, رەسەي, گەرمانيا جانە فرانتسيا كوشباسشىلارىنىڭ استاناداعى كەزدەسۋىن قاڭتاردىڭ اياعىندا وتكىزۋ قاراستىرىلىپ وتىرعانى ايتىلدى.
تەلەفون ارقىلى سويلەسۋگە ۋكراينا جاعى باستاماشى بولدى.