31 مامىر كۇنى اتىراۋ وبلىستىق سوتىندا 40 جاستاعى تۇرعىن قانتامىرىن كەستى, دەپ جازادى Egemen.kz azh.kz-كە سىلتەمە جاساپ.
ول مۇنداي ارەكەتتى سوتتىڭ 1 جارىم جىل باس بوستاندىعىنان ايىرۋ ۇكىمىمەن كەلىسپەيتىنىن ءبىلدىرۋ ءۇشىن جاساعان.
اتىراۋلىققا قازاقستان رەسپۋبليكاسى قىلمىستىق كودەكسىنىڭ 608-بابى بويىنشا («كولىك قۇرالىن الكوگولدىك, ەسىرتكىلىك نەمەسە (نەمەسە) توكسيكومانيالىق ماساڭ كۇيدە باسقارۋ») ايىپ تاعىلعان ەدى.
وبلىستىق سوت ونىڭ بۇعان دەيىن دە سوتتى بولعانىن مالىمدەدى.
ايىپتالۋشى «مەن شارشادىم, قايتا-قايتا قاماۋعا الىنامىن. شىققانىما ءبىر جارىم اي بولدى. ادىلەتسىزدىك جوق, مەن ءوزىمدى ولتىرەمىن», دەگەن سوزدەردى ايتىپ, پوليتسەيلەردى وزىنە ءبىرشاما ۋاقىت جاقىنداتپاعان. ناتيجەسىندە قاعازدىڭ وتكىر بۇرىشىمەن قانتامىرىن كەسكەن.
ول وبلىستىق اۋرۋحانادا مەديتسينالىق كومەك العاننان كەيىن ۋاقىتشا ۇستاۋ يزولياتورىنا قامالدى.