حالىقارالىق بالالاردى قورعاۋ كۇنىندە ەلىمىزدىڭ بارلىق وڭىرىندە كونتسەرتتەر, اكتسيالار, كورمەلەر, جارىستار مەن شىعارماشىلىق فەستيۆالدار وتەدى, دەپ حابارلايدى Egemen.kz مادەنيەت جانە اقپارات مينيسترلىگىنىڭ ءباسپاسوز قىزمەتىنە سىلتەمە جاساپ.
بۇگىن ورتالىق مەملەكەتتىك مۋزەيدە «Museum for kids» بالالارعا ارنالعان مۋزەي لاگەرى اشىلدى. قاتىسۋشىلارعا مۋزەيگە قاتىستى ساباقتار, تاريحي كۆەست ويىندارى, سۋرەتشىلەردىڭ شەبەرلىك ساباقتارى, شىعارماشىلىق جانە قولونەر ۇيىرمەلەرى ۇيىمداستىرىلادى. قازاق ۇلتتىق ونەر ۋنيۆەرسيتەتىندە العاش رەت دارىندى بالالاردى قولداۋعا باعىتتالعان «دارىندى جۇلدىز» بالالار شىعارماشىلىق فەستيۆالى باستالادى. جاس سايىسكەرلەر «ەسترادالىق ءان» نوميناتسياسى بويىنشا ونەر كورسەتەدى, ءار قاتىسۋشى 2 شىعارمادان ورىندايدى. ءبىرى – انا تىلىندە بولسا, ەكىنشىسى مۋلتفيلمدەردەگى اندەرگە ارنالادى. تەاتر ستۋدياسىنىڭ كىشكەنتاي ارتىستەرى «استانا وپەرا» ساحناسىندا «بالالار تەاترعا شاقىرادى» اتتى كونتسەرت قويادى. كونتسەرتتىڭ الدىندا كورەرمەن قاۋىم جاس شەبەرلەر مەن سۋرەتشىلەر كورمەسىن تاماشالاي الادى. استانادا مۋزىكالىق مەكتەپ وقۋشىلارى ە.راحماديەۆ اتىنداعى مەملەكەتتىك اكادەميالىق فيلارمونيانىڭ سيمفونيالىق وركەسترىمەن بىرگە ونەر كورسەتەدى.