حالىقارالىق بالالارىن قورعاۋ كۇنى قارساڭىندا «بايتەرەك» حولدينگىنىڭ ەنشىلەس ۇيىمى - وتباسى بانك كىشكەنتاي سالىمشىلارىنىڭ جيناقتارى تۋرالى مالىمەتتەر كەلتىردى, دەپ جازادى Egemen.kz.
وتكەن جىلدىڭ كۇزىندە بۇكىل ەل قازاقستاننىڭ 20 ميلليونىنشى ازاماتتارى اتانعان بالالاردى قۇتتىقتاعانى بەلگىلى. سول كەزدە دۇنيەگە كەلگەن قازاقستاندىقتار مەن ولاردىڭ اتا-انالارىن وتباسى بانك تە قولدادى. ءار بالاعا نومينالى 2 000 000 تەڭگە بولاتىن سەرتيفيكاتتار تابىستالدى. جاڭا تۋىلعان بالالاردىڭ اتا-انالارى اتالمىش سەرتيفيكاتتاردى ىسكە قوسىپ, قاراجاتتى جيناۋ جانە ودان ءارى باسپانا ساتىپ الۋ ءۇشىن سابيلەردىڭ جيناق شوتتارىنا اقشا اۋدارعانى بەلگىلى بولدى. اراسىنداعى ءبىر وتباسى ءتورتىنشى بالا بولىپ تۋعان ۇلداردىڭ سىيلىق قاراجاتىن بارلىق بالالارىنىڭ اراسىنا ءادىل ءبولىپ, ولاردى وتباسى بانكىندەگى شوتتارىنا اۋدارعان.
وسىلايشا بۇل بالالار وتباسى بانكىنىڭ جاس سالىمشىلارىنىڭ قاتارىن تولىقتىردى. بۇگىنگى تاڭدا بانكتە 18 جاسقا دەيىنگى بالالارعا 360 000 جيناق شوتى اشىلعان.
بيىلعى جىلدان باستاپ وتباسى بانك قازاقستاندىقتارعا تۇرعىن ءۇي جاعدايىن جاقسارتۋعا عانا ەمەس, ءبىلىم الۋعا دا قاراجات جيناقتاۋعا كومەكتەسەدى. ونى «AQYL» دەپوزيتىنىڭ كومەگىمەن ىسكە اسىرۋعا بولادى.
قازىرگى تاڭدا وتباسى بانكتەگى «AQYL» دەپوزيتىنىڭ ەڭ كىشكەنتاي يەسى – اقتاۋلىق ەكى اپتالىق نارەستە. ول وتباسىنداعى ءتورتىنشى بالا. جۋىردا عانا اتا-اناسى وتباسى بانك كومەگىمەن باسپانا الىپ, قونىس تويلارىن اتاپ وتكەن. ەندى ولار بولاشاقتا بالاسىنىڭ ساپالى ءبىلىم الۋى ءۇشىن بانكتە قايتا شوت اشىپ, اقشا جيناۋعا كىرىسكەن.
«AQYL» دەپوزيتىنىڭ ەڭ ۇلكەن سالىمشىسى – جاڭاوزەننىڭ 60 جاسار زەينەتكەرى. ول جيناقتالعان اقشاسىن 3 جاسقا ەندى تولعان نەمەرەسىنە تابىستاۋدى كوزدەپ وتىر. اجەسى بۇل قاراجات ءۇيدىڭ كەنجەسى جاقسى ءبىلىم الۋىنا كومەكتەسەتىنىنە سەنىمدى.
سونداي-اق, «AQYL» دەپوزيتى كوپبالالى وتباسىلار اراسىندا وتە تانىمال. وتباسى بانكتە بەس, التى نەمەسە جەتى بالاسى بار وتباسىلار ءبىلىم الۋ قاراجاتىن وتەۋگە ماقساتتالعان شوتتار اشىپ جاتىر. مىسالى تارازدا تۇراتىن ەرلى-زايىپتى «AQYL» دەپوزيتىن اشۋ بويىنشا جاقىندا رەكورد ورناتتى. ءۇش قىز جانە بەس ۇل تاربيەلەپ وتىرعان وتباسى 8 بالاسىنىڭ ارقايسىسىنا ءبىلىم دەپوزيتىن اشقان.
بالالارىنىڭ بولاشاعىن وزگەلەرمەن سالىستىرعاندا ەڭ كوپ ويلايتىن اتا-انالار شىمكەنتتە, ماڭعىستاۋ وبلىسى مەن الماتىدا تۇرادى ەكەن. ويتكەنى, ءدال وسى وڭىرلەردە ءبىلىم الۋ دەپوزيتتەرى باسقا وڭىرلەرگە قاراعاندا جيىرەك اشىلادى ەكەن.
«وسى جىلى وتباسى بانك مەملەكەتتىك ءبىلىم بەرۋ جيناقتاۋ جۇيەسىنىڭ قاتىسۋشىسى بولدى. ەندى ءبىز قازاقستاندىقتارعا تۇرعىن ۇيگە اقشا جيناپ قانا قويماي, ءبىلىم الۋعا قاراجات ۇنەمدەۋگە دە كومەكتەسەمىز. مامىر ايىنداعى سوڭعى قوڭىراۋ كەزىندە جانە بالالاردى قورعاۋ كۇنى قارساڭىندا ءبىز جاڭا ونىمىمىزگە دەگەن ۇلكەن سۇرانىس پەن قىزىعۋشىلىقتى كورىپ وتىرمىز. كۇن سايىن قازاقستاندىقتار 150-گە جۋىق ءبىلىم بەرۋ دەپوزيتتەرىن اشادى. ءتورت ايدىڭ ىشىندە, اقپاننان مامىرعا دەيىن, بىزدە 17 000 «AQYL» سالىمشارى اشىلدى. بۇل – اتا-انالار ۇلدارى مەن قىزدارىنىڭ بولاشاق تاربيەسىنە سانالى تۇردە قارايدى دەگەن ءسوز. ءبىزدىڭ جاڭا ءونىمىمىز ولاردىڭ كوڭىلدەرىنەن شىقتى. مىسالى, قازىر وتباسى بانكىندەگى «AQYL» دەپوزيتتەرىنىڭ بىرىندە جيناقتاردىڭ ەڭ كوپ سوماسى 2,4 ملن تەڭگەگە تەڭ», دەپ «وتباسى بانك» اق باسقارما ءتورايىمى ءلاززات يبراگيموۆا ءتۇسىندىرىپ ءوتتى.
«AQYL» دەپوزيتىنە قاراجاتتى الدىن الا, جوسپارلى تۇردە جيناقتاي وتىرىپ, بولاشاقتا قازاقستاندىق نەمەسە شەتەلدىك ءبىلىم بەرۋ ۇيىمدارىندا وقۋ اقىسىن تولەۋگە بولادى.
«AQYL» سالىمىن 3 جىل نەمەسە 5 جىل مەرزىمگە اشىلادى. ەگەر دەپوزيت كەمىندە ءۇش جىل مەرزىمگە اشىلاتىن بولسا, وندا دەپوزيت بويىنشا مولشەرلەمە جىلدىق 12%-عا تەڭ (جتسم 12,9%-دان 13,1%-عا دەيىن). ەگەر دەپوزيت كەمىندە 5 جىلعا اشىلاتىن بولسا, وندا دەپوزيت بويىنشا مولشەرلەمە جىلدىق 9,5%-عا تەڭ (جتسم 9,5%-دان 10,1%-عا دەيىن).
ەڭ ماڭىزدىسى, بانك قوسقان سىياقى اي سايىن كاپيتالداندىرىلادى. بۇل بانك پايىزى دەپوزيت سوماسىنا قوسىلاتىندىعىن جانە كەلەسى ايدا وسى اقشاعا جاڭادان سىياقى ەسەپتەلەتىنىن بىلدىرەدى.
بۇل دەپوزيتتىڭ ەڭ ۇلكەن ارتىقشىلىعى. مەرزىمى, پايىزدىق مولشەرلەمەسى جانە كاپيتالداندىرىلۋى جيىنتىق تۇردە سالىمدى ءتيىمدى تۇردە كوبەيتەدى.
مىسالى, ەگەر ءسىز ءۇش جىل بويى اي سايىن 20 مىڭ تەڭگەدەن سالىپ وتىرساڭىز, وندا «AQYL» دەپوزيتىندەگى جيناقتار, ءوز سالىمدارىڭىزدى ەسەپتەمەگەندە, شامامەن 250 مىڭ تەڭگەنى قۇرايدى. ەگەر ءسىز ون جىل بويى اي سايىن 20 مىڭ تەڭگەدەن سالساڭىز, وندا ءوز سالىمدارىڭىزدى ەسەپتەمەگەندە, دەپوزيتتەگى قاراجات شامامەن 4 ملن تەڭگەنى قۇرايدى.
بالالاردىڭ بىلىمىنە قاراجات جيناقتاۋ كەزىندە مەملەكەت تاراپىنان قانداي كومەك كورسەتىلەدى؟
- جىل سايىن سالىمشىلاردىڭ بارلىق ساناتتارى ءۇشىن 5% مولشەرىندە سىيلىقاقى قوسىلادى;
- جىل سايىن جەتىم بالالارعا, اتا-اناسىنىڭ قامقورلىعىنسىز قالعان بالالارعا, مۇمكىندىگى شەكتەۋلى بالالارعا, كوپبالالى جانە تابىسى تومەن وتباسىلاردىڭ بالالارىنا اشىلعان دەپوزيتتەرگە 7% مولشەرىندە سىيلىقاقى قوسىلادى.
مەملەكەتتىك سىيلىقاقى ەسەپتەلۋى ءۇشىن سالىم ءبىر جىل جيناقتالۋى ءتيىس.
«AQYL» دەپوزيتىن اشۋ كەزىندەگى مىندەتتى باستاپقى جارنا مولشەرى 3 اەك-كە نەمەسە 11 076 تەڭگەگە تەڭ (2024 جىلى). ءارى قاراي, دەپوزيتتى اي سايىن تولىقتىرۋ مولشەرىن سالىمشى ءوز بەتىنشە بەلگىلەيدى.
«AQYL» دەپوزيتىن قالاي اشۋعا بولادى؟
- باسپانا ماركەت پورتالىنداعى (otbasybank.kz) جەكە كابينەتتە;
- بانك بولىمشەلەرىندە;
- بانكتىڭ كەڭەس بەرۋشىلەرى كومەگىمەن. ولاردىڭ ءتىزىمىن بانك سايتىندا تابۋعا بولادى.
- بانك سايتىندا بەينە-قوڭىراۋ قىزمەتىنە تاپسىرىس بەرۋ ارقىلى;
- وتباسى بانكتىڭ «Otbasy bank lite» جاڭا ءموبيلدى قوسىمشاسىندا.
«AQYL» دەپوزيتىنىڭ ارتىقشىلىقتارى:
- مەملەكەت پەن ءۇشىنشى تۇلعالاردىڭ ءوندىرىپ الۋلارىنان قورعالعان, ياعني بۇل شوتتى بۇعاتتاۋ نەمەسە ودان قاراجات الۋ مۇمكىن ەمەس.
- قازاقستاندىق دەپوزيتتەرگە كەپىلدىك بەرۋ قورىندا ساقتاندىرىلعان;
- گرانتقا يە بولعان جاعدايدا, جيناقتاۋ دەپوزيتىن جاۋىپ, مەملەكەتتىك سىيلىقاقىمەن بىرگە جيناق اقشانىڭ بۇكىل سوماسىن الۋعا بولادى. سونداي-اق, شوتتى باسقا بالاعا قايتا رەسىمدەۋگە نەمەسە ماگيستراتۋراعا ءتۇسۋ ماقساتىندا جيناقتاۋدى جالعاستىرۋعا بولادى.
- وتباسى بانكتەگى «AQYL» دەپوزيتىن ۇلتتىق قوردان الىنعان جيناقتارمەن تولىقتىرۋعا بولادى. بيىل 18 جاسقا تولعان قازاقستاندىقتار وسى تولەمدەرگە يەلىك ەتە الادى. ونى «ۇلتتىق قور – بالالارعا» جوباسى اياسىندا enpf-otbasy.kz پلاتفورماسىندا ىسكە اسىرۋعا بولادى.