ەلورداداعى № 43 قوسىمشا ءبىلىم بەرۋ مەكتەپ-ورتالىعىندا جاس پەداگوگتەر سلەتى ءوتتى. استانانىڭ تاجىريبەلى پەداگوگتەرى جاس ارىپتەستەرىنە ءبىلىم بەرۋ ترەنينگتەرىن, TEDx جوباسىن جانە ۇلتتىق سپورت ويىندارىن ۇسىندى, دەپ حابارلايدى Egemen.kz قالالىق اكىمدىكتىڭ رەسمي سايتىنا سىلتەمە جاساپ.
سلەتكە 100-گە جۋىق جاس پەداگوگ قاتىستى.
«جاس ماماندار رەتىندە بۇل ماماندىقتىڭ سىزگە سايكەس كەلەتىن-كەلمەيتىنى تۋرالى ءجيى ويلانۋىڭىز مۇمكىن, اسىرەسە جۇمىستىڭ العاشقى ءۇش جىلىندا. الايدا ۇستازدىق قىزمەت ءسىزدىڭ سۇيىكتى ءىسىڭىزدى قالدىرۋعا مۇمكىندىك بەرمەيدى. ەڭ باستىسى - شارشاماۋ. ءسىزدىڭ اراڭىزدا بولاشاق مەكتەپ ديرەكتورلارى, ءبىلىم باسقارمالارىنىڭ باسشىلارى مەن مينيسترلەر جانە ارينە, ەڭ جاقسى مۇعالىمدەر بار دەپ سەنەمىن. سىزدەرمەن بىرگە قالا قارقىندى دامىپ, جاڭا مەكتەپتەر سالىنىپ جاتىر. قالامىزدا بۇگىندە 263 مىڭ وقۋشى بار بولسا, 2030 جىلعا قاراي استانادا 382 مىڭعا جۋىق وقۋشى بولادى. وسى بەس جىل ىشىندە مەكتەپكە 120 مىڭ بالا بارادى, ءسىزدىڭ جۇمىسىڭىز ودان ءارى سۇرانىسقا يە بولادى دەگەن ءسوز», دەدى ەلوردالىق ءبىلىم باسقارماسىنىڭ باسشىسى قاسىمحان سەنعازىەۆ.
باسقارما باسشىسى بۇگىندە ەلوردادا ءبىر ۋاقىتتا 34 مەكتەپ سالىنىپ جاتقانىن ايتتى. بۇل مەكتەپتەر ءتورت مىڭ مۇعالىمدى قاجەت ەتەدى.
قاتىسۋشىلاردىڭ ايتۋىنشا, TEDx فورماتىنداعى ءبىلىم بەرۋ ترەنينگتەرى تاجىريبە الماسۋعا, جاڭا ادىستەمەلەردى يگەرۋگە جانە سىنىپتا جۇمىس ىستەۋ ءۇشىن پراكتيكالىق قۇرالداردى الۋعا مۇمكىندىك بەردى.
سونداي-اق ءىس-شارا بارىسىندا ۇلتتىق سپورتتىق ويىندار مەن ەستافەتالار وتكىزىلدى.