قازاقستاننىڭ مىسىرداعى ەلشىسى بەرىك ارىن ءال-ازھار باس يمامى جانە شەيحى دوكتور احماد ات-تايەبپەن كەزدەستى.
كەزدەسۋدىڭ نەگىزگى تاقىرىبى قازاقستان پرەزيدەنتى ن.ءا.نازارباەۆتىڭ باستاماسى – الەمدىك جانە ءداستۇرلى دىندەر كوشباسشىلارى سەزى شەڭبەرىندە الەمدە دىنارالىق جانە كونفەسسياارالىق ۇنقاتىسۋدى دامىتۋ باعىتىندا ەكى ەل اراسىنداعى ءوزارا ىنتىماقتاستىق بولدى. بۇعان قوسىمشا, تاراپتار قازاقستان مەن مىسىردىڭ بىرلەسكەن جوباسى «نۇر-مۇباراك» ۋنيۆەرسيتەتىنىڭ قىزمەتىنە, سونداي-اق, قازاقستاندىق ستۋدەنتتەردىڭ ء«ال-ازھار» ۋنيۆەرسيتەتىندە ءبىلىم الۋىنا قاتىستى ماسەلەلەردى قاراستىردى. ب. ارىن 2014 جىلعى 17-18 قىركۇيەكتە استانادا وتكەن دىنارالىق فورۋم حاتشىلىعىنىڭ XIII وتىرىسىنا ءال-ازھار جانە مىسىردىڭ ۋاقىفتار مينيسترلىگى وكىلدەرىنىڭ قاتىسقاندارى ءۇشىن العىس ءبىلدىردى. وسى تۇرعىدا ول قازاقستان باسشىلىعىنىڭ ءال-ازھار شەيحىنىڭ مەملەكەتىمىزدىڭ ەلورداسىندا وسى جىلعى ماۋسىمدا وتەتىن الەمدىك جانە ءداستۇرلى دىندەر كوشباسشىلارىنىڭ V سەزىنە قاتىسۋىن كۇتەتىنىن جەتكىزدى.
«ەگەمەن-اقپارات».