قازاقستان ۇلتتىق وليمپيادالىق كوميتەتىنىڭ پرەزيدەنتى گەننادي گولوۆكين حالىقارالىق وليمپيادا كوميتەتى Olympism 365 كوميسياسىنىڭ مۇشەسى بولىپ تاعايىندالدى, دەپ جازادى Egemen.kz.
بۇل تۋرالى حالىقارالىق وليمپيادالىق كوميتەتتىڭ پرەزيدەنتى توماس باح قازاقستان ۇوك-نە جازعان رەسمي حاتتا مالىمدەدى.
ء«سىزدى كوميسسيا مۇشەسى ەتىپ تاعايىنداۋ مەن ءۇشىن ۇلكەن مارتەبە. كوميسسيا جۇمىسىنا قوساتىن ۇلكەن ۇلەسىڭىز ءۇشىن سىزگە الدىن الا العىس بىلدىرەمىن», دەلىنگەن حاتتا.
حوك كوميسسيالارىن ونىڭ پرەزيدەنتى توماس باح قۇرادى جانە حوك-تىڭ قىزمەتىن ۇيلەستىرىپ, ستراتەگيالارىن جاساقتاپ, سونداي-اق شەشىم قابىلداۋ ءۇشىن ۇيىمنىڭ اتقارۋ كوميتەتى مەن جۇمىس سەسسيالارىنا ۇسىنىستار ەنگىزەتىن حوك-تىڭ جۇمىس ورگاندارى بولىپ سانالادى.
Olympism 365 كوميسسياسى بۇۇ تۇراقتى دامۋ ماقساتتارىنا قول جەتكىزۋدەگى ماڭىزدى فاكتور رەتىندە سپورتتىڭ ءرولىن كۇشەيتۋ ءۇشىن جۇمىس ىستەيدى.
Olympism 365-ءتىڭ باسىم باعىتتارى: حالىقتىڭ دەنساۋلىعى مەن دەنە شىنىقتىرۋ بەلسەندىلىگىن جاقسارتۋ, ادىلەتتىلىك, قاۋىپسىزدىك جانە ينكليۋزيۆتىلىك قاعيداتتارىن نىعايتۋ, بەيبىتشىلىكتى ساقتاۋ جانە ءبىلىم بەرۋ, سپورتتىڭ الەۋمەتتىك ءمانى مەن وليمپيادا پرينتسيپتەرىن ساقتاۋ.
كوميسسيا قۇرامىنا حوك مۇشەلەرى, وليمپيادالىق قوزعالىستاعى تانىمال فۋنكتسيونەرلەر, سونداي-اق يوردانيانىڭ تاق مۇراگەرى, حانزادا فەيزال ءال حۋسسەين, حالىقارالىق جەڭىل اتلەتيكا فەدەراتسياسىنىڭ پرەزيدەنتى سەباستيان كوە, كاتار ۇوك پرەزيدەنتى, شەيح دجوان بين حاماد بين حاليفا ءال تاني جانە بەلسەندى سپورت قايراتكەرلەرى مەن تانىمال وليمپياداشىلار كىرەدى.