قازاقستاندا بالالار سانى 6,8 ميلليونعا جەتتى, رەسمي دەرەككوزدەردىڭ بولجامى بويىنشا, 2027 جىلعا قاراي بۇل سان سەگىز ميلليونعا دەيىن ارتادى, دەپ حابارلايدى Egemen.kz.
بۇل تۋرالى ورتالىق كوممۋنيكاتسيالار قىزمەتىندە قر وقۋ-اعارتۋ مينيسترلىگىنە قاراستى بالالاردىڭ قۇقىقتارىن قورعاۋ كوميتەتىنىڭ ءتورايىمى ءناسىمجان وسپانوۆا ءمالىم ەتتى.
«سوڭعى مالىمەتتەرگە سايكەس, رەسپۋبليكا بويىنشا جەتى مىڭنان استام مەكتەپتە 3,8 ميلليوننان استام بالا ءبىلىم الىپ كەلەدى. دەگەنمەن, بالالار مەن ولاردىڭ اتا-انالارى كەزدەسەتىن نەگىزگى ماسەلەلەر – مەكتەپ ورىندارىنىڭ تاپشىلىعى, ءۇش اۋىسىمدى جانە اپاتتى مەكتەپتەردىڭ ماسەلەسى. وسى ماسەلەلەردى شەشۋ ءۇشىن «جايلى مەكتەپ» ۇلتتىق جوباسى جۇزەگە اسىرىلىپ جاتىر. الداعى ۋاقىتتا بۇل جوبا تولىق جۇزەگە اساتىن بولسا, جوعارىدا اتالعان ماسەلەلەر تولىعىمەن جويىلادى دەپ كۇتىلەدى», دەدى سپيكەر.
بۇل شارالاردىڭ باستى ماقساتى – بالالاردىڭ ساپالى بىلىمگە قول جەتكىزۋىن قامتاماسىز ەتۋ.