ءماجىلىس دەپۋتاتى «توعىزقۇمالاق» ويىنىنىڭ اتىن وزگەرتۋدى ۇسىندى

تۋريزم جانە سپورت ءمينيسترى ەرمەك مارجىقپاەۆقا دەپۋتاتتىق ساۋالىن جولداعان گۇلدارا نۇرىموۆا «توعىزقۇمالاق» ينتەللەكتۋالدىق ويىنى تۇركى حالىقتارىنىڭ ورتاق مۇراسى ەكەنىن اتاپ ءوتتى. سونداي-اق بۇل ويىن كوپتەگەن ەلدە بەلگىلى بولعانىمەن, ونىڭ كەڭىنەن تارالۋىنا بىرقاتار ماسەلە كەدەرگى كەلتىرىپ تۇرعانىن تىلگە تيەك ەتتى.

«ويىننىڭ ەكى نەگىزگى اتاۋى بەلگىلەندى: قازاقشا – «توعىزقۇمالاق», قىرعىز – «توعىزقورگول», ءىشىنارا تۇرىكشە – «مانگالا/گەچيۋرمە». قازاقستان تاراپى حالىقارالىق جارىستاردى ۇيىمداستىرعاندا ويىندى «توعىزقۇمالاق» دەپ اتايدى. ال قىرعىز تاراپىندا «توعىزقورگول» اتاۋى قولدانىلعان. تۇركى حالىقتارىنا ورتاق ويىن الەمدىك ارەنادا بىرنەشە اتاۋعا يە», دەپ ءتۇسىندىردى دەپۋتات.

ول بۇل ويىننىڭ «توعىزات» دەگەن ورتاق اتاۋى بار ەكەنىن اتاپ ءوتتى. وسى دەرەكتەردى ەسكەرە وتىرىپ, ماجىلىسمەن دۇنيەجۇزىلىك كوشپەندىلەر ويىندارى قارساڭىندا ويىننىڭ اتاۋىن «توعىزقۇمالاقتان» «توعىزاتقا» وزگەرتۋدى ۇسىندى.

دەپۋتات دۇنيەجۇزىلىك ەتنيكالىق سپورت تۇرلەرى كونفەدەراتسياسى, قازاقستاننىڭ ۇلتتىق سپورت تۇرلەرى قاۋىمداستىعى جانە دۇنيەجۇزىلىك توعىزقۇمالاق فەدەراتسياسىنىڭ قاتىسۋىمەن بىرلەسكەن شەشىم قابىلداۋعا شاقىردى.

قىرمىزى جۇماعاليقىزى,

ەۇۋ ستۋدەنتى