بالالاردى قورعاۋ كۇنى استانادا قالاي تويلانادى؟

مەرەكە اياسىندا ەلوردادا كونتسەرتتەر, اكتسيالار, كورمەلەر, جارىستار, شىعارماشىلىق فەستيۆالدەر وتەدى.

استانادا 1 ماۋسىم كۇنى مىناداي ءىس-شارالار وتەدى:

30 مامىر كۇنى ساعات 18:00-دە امفيتەاتردا «جاسىل ەل» ماۋسىمىنىڭ اشىلۋ سالتاناتى وتەدى.

31 مامىر كۇنى تاڭعى ساعات 10-دا «بيلاين ارەنا» تەننيس ورتالىعىندا «باقىتتى شاڭىراق» قوعامدىق قورى بالالارعا ارنالعان مەرەكەلىك ءىس-شارا ۇيىمداستىرادى.

ءدال وسى ۋاقىتتا تەمىرجولشىلار تۇرعىن الابىنىڭ ساياباعىندا تۇرعىنداردى «يۋنيموتو» موتوكروسى بويىنشا كورسەتىلىمگە شاقىرادى.

30 مامىر كۇنى ساعات 10.00-دە دوستىق ۇيىندە «بالالاردى قورعاۋ – ەل بولاشاعىن قورعاۋ» اتتى دوڭگەلەك ۇستەل وتەدى.

ساعات 18:00-دەن باستاپ ەسترادا ارتىستەرىنىڭ قاتىسۋىمەن ەسىل وزەنىندە تەاتر فورماتىندا كونتسەرتتىك باعدارلاما ۇيىمداستىرىلادى.

سونىمەن قاتار عاشىقتار ساياباعىندا ويىن-ساۋىق باعدارلاماسىمەن ەۋروپا ەلدەرىنىڭ ونىمدەرىنىڭ جارمەڭكەسى ۇيىمداستىرىلادى.

م. وتەمىسوۆ اتىنداعى وقۋشىلار سارايىنىڭ الاڭىندا «بالالىق شاق ەنەرگياسى» فەستيۆالى وتەدى.

جازۋشىلار اللەياسىندا ساعات 12:00-دە «سالاۋاتتى ءومىر سالتى – سالاۋاتتى وتباسى» بي فلەشموبىنا جانە «بالعىن بالالارىمىز – ءبىزدىڭ بولاشاعىمىز» بالالىق شاق مەرەكەسى ءىس-شاراسى ۇيىمداستىرىلادى.

ساعات 12:00-14:00 ارالىعىندا «جەرۇيىق» ساياباعىندا «سالەم, جاز!» جانە «ەلدىڭ باقىتى – بالالىق شاعى» مەرەكەلىك كونتسەرت وتەدى.

ترياتلون ساياباعىندا وسى ۋاقىتتا «Ailand Family Run» وتباسىلىق جارىسى وتەدى.

ءبىر كۇن بويى Ailand وتباسىلىق دەمالىس ورتالىعىنىڭ جانىنداعى اتتراكتسيوندار ساياباعىندا بالالارعا ارنالعان انيماتسيالىق باعدارلامامەن جازعى فەستيۆال وتەدى.

كوكتال تۇرعىن الابىنىڭ قورعالجىن الاڭىندا تاڭعى ساعات 10.00-دەن باستاپ قوناقتارعا ارنالعان «Koktal Junior» كونتسەرتتىك باعدارلاماسى ۇيىمداستىرىلادى.

قۋىرشاق تەاترى مەرەكەگە وراي م.ارگيمباەۆتىڭ «ەلۆين جانە سيقىرلى ورمان تۇرعىندارى» ەرتەگىسىن ازىرلەپ وتىر. كورسەتىلىم ۋاقاتى: ساعات 12:00 جانە 16:00.

31 مامىر كۇنى «Mega Silk Way» سوو-دا «نيكۋليننىڭ ماسكەۋ تسيركى» ونەر كورسەتەدى. قويىلىمدار 1-25 ماۋسىم ارالىعىندا وتەدى.

31 مامىردا ساعات 11.00-دەن باستاپ كوكتال ساياباعىندا ەرەكشە ءبىلىم بەرۋ قاجەتتىلىكتەرى بار بالالار ءۇشىن كوڭىلدى ستارتتار وتەدى.

«جەرۇيىق» ساياباعىندا وسى كۇنى ساعات 15:00-دە ارقان تارتۋ, گىر كوتەرۋ, اسىق اتۋ جانە ت.ب. بويىنشا ۇلتتىق سپورتتىق ويىندار ۇيىمداستىرىلادى.

ترياتلون ساياباعىندا ساعات 15:00-دە «اكەم, انام جانە مەن – تاتۋ وتباسى» اتتى ءداستۇرلى كوڭىلدى ستارتتار وتەدى.

استانالىقتار «باقىتتى بالالار – بەيبىت ەلدىڭ تىرەگى» كونتسەرتىن كيرپيچنىي, قازقالاشىق, ءوندىرىس تۇرعىن الاپتارىندا جانە اتاتۇرىك ساياباعىندا ساعات 11:00-دە تاماشالاي الادى.

اتاتۇرىك ساياباعىندا قوناقتارعا ارنالعا اسفالتقا سۋرەت سالۋ, بالالارعا ارنالعان كوڭىلدى ستارتتار, انيماتورلاردىڭ قويىلىمدارى جانە ءتاتتى سىيلىقتار تاراتۋ ءىس-شارالارى وتەدى.

«جەتىسۋ» جانە «استانالىق» ساياباقتارىندا ساعات 15:00-دە ەرەكشە بالالار اراسىندا كوڭىلدى ستارتتار ۇيىمداستىرىلادى.

1 جانە 2 ماۋسىمدا جەتىسۋ ساياباعىندا تاڭعى 10-نان باستاپ «بوپە fair» وتباسىلىق فەستيۆالى جۇمىس ىستەيدى. 2-10 ماۋسىم ارالىعىندا Ailand وسو اتتراكتسيوندار ساياباعىندا كاراوكە, بي باتتل, ويىندار مەن بايقاۋلارى بار بالالارعا ارنالعان كۇندەلىكتى شوۋ-باعدارلاما ۇيىمداستىرىلادى.

ساعات 6:30-دا ترياتلون پاركىندە 1 ماۋسىمدا «Charity Samruk Marathon-2024» قايىرىمدىلىق جارىسى باستالادى.

1 جانە 2 ماۋسىمدا قالا الاڭىندا 14:00-دەن 20:00-گە دەيىن «Creative Summer» فەستيۆالى وتەدى.

1 ماۋسىم كۇنى ساعات 15.00-دە ارباتتا «قارا, وقى» كاراوكە ءىس-شاراسى وتەدى, بۇلدىرشىندەر ساحنادا تانىمال اندەردى شىرقاي الادى.

1 ماۋسىمدا ەلوردالىق امفيتەاتردا كۇنى بويى بالالار شىعارماشىلىق جانە سپورت فەستيۆالى وتەدى.

1 ماۋسىم كۇنى ساعات 11.00-دە پريگورودنىي تۇرعىن الابىندا بالالارعا ارنالعان مەرەكەلىك كونتسەرت وتەدى.

ۇركەر تۇرعىن الابىنداعى «ايعىرجال» الاڭىندا ساعات 14:00-دە بالالارعا ارنالعان شوۋ-باعدارلامامەن جانە انيماتورلارمەن كونتسەرت باستالادى.

ەلوردانىڭ بارلىق بەس اۋدانىندا اشىق الاڭداردا مەرەكەلىك كونتسەرتتەر وتەدى.

«جاستار» تەاترى 11:00 جانە 12:30-دا جاس كورەرمەندەردى ل.تولستويدىڭ «بۋراتينو» ەرتەگىسىنە شاقىرادى.

سول كۇنى ساعات 15:00-دە, ەسىل وزەنىنىڭ جاعاسىنداعى ساحنادا مەرەكەلىك كونتسەرت وتەدى.

2 ماۋسىمدا بالالاردى قورعاۋ كۇنىنە وراي قوسشى-يلينكا اينالما جولىندا ساعات 9:00-13:00-دەن باستاپ «ەرەكشە الەم» ۆەلوجارىسى وتەدى.

سونداي-اق ەلوردالىق فيلارمونيانىڭ سيمفونيالىق وركەسترى «بالالاردان بالالارعا بازارلىق» قايىرىمدىلىق كونتسەرتىن ۇيىمداستىرادى, «اتامەكەن» قازاقستان كارتاسى» ەتنو-مەموريالدىق كەشەنى اشىق ەسىك كۇنىن وتكىزەدى, ال گوركي اتىنداعى ورىس دراما تەاترى ءسۋپونيننىڭ «كوزا-دەرەزا» ەرتەگىسىن كورۋگە شاقىرادى.

اۋداندىق اكىمدىكتەردىڭ باستاماسى بويىنشا الەۋمەتتىك از قامتىلعان وتباسىلاردان شىققان بالالار ءۇشىن مەرەكەگە وراي كينو, مۇراجاي, تەاتر ساپارلارى ۇيىمداستىرىلادى.

وسى كۇنى قالادا بىرنەشە جاڭا اۋلا رەسمي تۇردە اشىلادى.