استانادا ءىرى كومپانيانىڭ بۇرىنعى باسشىسى سوتتالدى

استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا «№2 جانە №5 نان بازاسى» «استىق قويمالارى» جشس وكىلدىكتەرىنىڭ بۇرىنعى ديرەكتورى ءجۇسىپوۆ م. 8 جىل 6 ايعا باس بوستاندىعىنان ايىرىلدى.

«ول مەملەكەتتىك ورگانداردىڭ لاۋازىمدى ادامدارىنا اسا ءىرى مولشەردە ءداندى داقىلداردى جىمقىرۋ فاكتىسى بويىنشا قىلمىستىق جاۋاپتىلىقتان جالتارۋ ءۇشىن 350 مىڭ اقش دوللارى سوماسىندا پارا بەردى دەگەن كۇدىككە ءىلىندى.

سوت ۇكىمىمەن پارا بەرۋگە يتەرمەلەگەنى جانە الاياقتىققا وقتالعانى ءۇشىن ي. باراباش پەن ت. دەمەسينوۆ ارقايسىسى 10 جىلعا باس بوستاندىعىنان ايىرىلدى. سونىمەن قاتار قوستاناي قالاسى № 2 سوتىنىڭ ۇكىمىمەن قوستاناي ادۆوكاتتار القاسىنىڭ ادۆوكاتى و.ۆ. برانتسەۆكە قاتىستى ۇكىم جاريالاندى», دەلىنگەن حابارلامادا.

ول الاياقتىق پەن پارا بەرۋگە يتەرمەلەۋگە وقتالعانى ءۇشىن كىنالى دەپ تانىلدى.

«و.ۆ. برانتسەۆ قۇقىق قورعاۋ ورگاندارىنىڭ لاۋازىمدى ادامدارىنا قىلمىستىق جاۋاپتىلىقتان جالتارۋ ءۇشىن پارا بەرۋ سىلتاۋىمەن ءوزىنىڭ قورعاۋشىسى ا.ك. سانسىزباەۆتىڭ 600 مىڭ تەڭگە مولشەرىندەگى اقشالاي قاراجاتىن زاڭسىز يەمدەنگەن. وعان پارانىڭ 20 ەسەلەنگەن سوماسى 12 ملن تەڭگە مولشەرىندە ايىپپۇل تۇرىندە جازا تاعايىندالىپ, مەملەكەتتىك قىزمەتتە قىزمەت اتقارۋعا ءومىر بويىنا تىيىم سالىندى», دەپ حابارلادى انتيكور.

سوت ۇكىمدەرى زاڭدى كۇشىنە ەنگەن جوق.