قۇلپىناي وسىرەتىن اتىراۋ قالاسى كاسىپكەرى داۋلەت عاريفوللا سۋ تاسقىنى قاراپايىم كاسىپكەرلەرگە دە قيىندىق تۋعىزىپ تۇرعانىن ايتتى, دەپ حابارلايدى Egemen.kz.
وبلىستىڭ توتەنشە جاعداي جونىندەگى جەدەل شتابىنىڭ مالىمەتىنشە ونىڭ قۇلپىناي القابى جالعانساي اۋىلى ماڭىندا ورنالاسقان. القاپ ماڭايىنداعى جايىلمالار جايىقتىڭ سۋىنا تولعاندىقتان, كاسىپكەرلەر ەگىستىك القاپقا قايىقپەن قاتىناپ ءجۇر. كاسىپكەر كوكتەمدە قۇلپىناي ەگىپتى, اۋماقتى سۋ باسادى دەپ ويلاماعان.
«كۇنىنە 2-3 مارتە قۇلپىناي تاسيمىز. اتىراۋ قالاسىنا 60-100 كگ اكەلىپ, ساۋدا نۇكتەلەرىمىزدە ساتامىز», دەيدى كاسىپكەر.
كاسىپكەردىڭ ايتۋىنشا, قۇلپىناي القابىنا بولىنگەن جەردىڭ جالپى اۋماعى 50 گا قۇرايدى, تاسقىنعا بايلانىستى بيىل 0,5 گا جەرگە عانا جەمىس ەككەن.