ادام ۇيالسا, قىزارادى دەيمىز. ال فرانتسيانىڭ اۋىل شارۋاشىلىعى, ازىق-ت ۇلىك جانە قورشاعان ورتا ۇلتتىق عىلىمي-زەرتتەۋ ينستيتۋتىنىڭ عالىمدارى ءۇي تاۋىقتارى اشۋدان, قۋانىشتان جانە باسقا دا ەموتسيالاردان قىزارىپ كەتەتىنىن انىقتادى.
اتالعان زەرتتەۋ «Applied Animal Behavior Science» عىلىمي جۋرنالىندا جاريالاندى. عالىمدار سۋسسەكس تۇقىمىن تاڭداپ العان. قۇستار لۋارا اڭعارىنداعى فەرمادا ءۇش اپتا بويى باقىلاۋدا بولعان.
زەرتتەۋشىلەر ەكسپەريمەنت كەزىندە تۇسىرىلگەن تاۋىقتاردىڭ 18 مىڭ فوتوسۋرەتىن تاڭدادى. تەرىنىڭ قىزارۋ دەڭگەيىن تالداۋ ءۇشىن ماتەريالداردى باعدارلاماعا جۇكتەگەن.
ناتيجەسىندە, تاۋىقتار ءدامدى تاعام بەرگەندە ازداپ قىزاراتىنىن, ال جاعىمسىز وقيعالار تۋىنداسا (مىسالى, تاۋىقتى قۋساڭ), بەت تەرىسى قىزىل تۇسكە بويالاتىنى انىقتالعان.
عالىمداردىڭ پىكىرىنشە, تاۋىقتاردىڭ قىزارۋى تۋرالى اقپارات ولاردىڭ ەموتسيونالدىق كۇيىن جاقسى تۇسىنۋگە, جاعدايىن باعالاۋعا دا مۇمكىندىك بەرەدى.