س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتىنىڭ ۆەتەرينارلىق جانە مال شارۋاشىلىعى فاكۋلتەتىنىڭ بازاسىندا ۋنيۆەرسيتەت باسشىلىعى مەن قىتاي حالىق رەسپۋبليكاسى دەلەگاتسياسىنىڭ ىسكەرلىك كەزدەسۋى ءوتتى.
كەزدەسۋدىڭ ماقساتى – بيولوگيالىق قاۋىپسىزدىك جونىندەگى قازاقستان – قىتاي بىرلەسكەن زەرتحاناسىندا قازاق اگروتەحنيكالىق زەرتتەۋ ۋنيۆەرسيتەتى مەن حاربين ۆەتەرينارلىق عىلىمي-زەرتتەۋ ينستيتۋتى اراسىنداعى ورتاق زەرتحانا بويىنشا ءوزارا ىنتىماقتاستىقتى تالقىلاپ, بىرلەسىپ وسىرەتىن اۋىلشارۋاشىلىق ونىمدەرىنىڭ ساۋداسىن ورىستەتۋ.
«س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتى مەن حاربين ۆەتەرينارلىق عىلىمي-زەرتتەۋ ينستيتۋتى اراسىنداعى ءوزارا ءتيىمدى ىنتىماقتاستىقتى ەرەكشە اتاپ وتكىمىز كەلەدى. ۋنيۆەرسيتەتىمىزدە بيولوگيالىق قاۋىپسىزدىك بويىنشا قىتاي – قازاقستان بىرلەسكەن زەرتحاناسىن اشتىق. حاربين ۆەتەرينارلىق ينستيتۋتىنىڭ پروفەسسورلارى – دوكتورانتتارىمىزدىڭ عىلىمي جەتەكشىلەرى. قىتاي مەن قازاقستان ءۇشىن وزەكتى «جانۋارلاردىڭ ترانسشەكارالىق اۋرۋلارىنىڭ الدىن الۋ جانە باقىلاۋ بويىنشا بىرلەسكەن زەرتتەۋلەر» حالىقارالىق جوبالارى, ء«بىر بەلدەۋ, ءبىر جول» تەحنولوگيالىق ىنتىماقتاستىق پلاتفورماسىن قۇرۋ جۇزەگە اسىرىلىپ جاتىر. ءبىزدىڭ ۋنيۆەرسيتەت پەن حاربين ۆەتەرينارلىق عىلىمي-زەرتتەۋ ينستيتۋتى ەكى ەل پرەزيدەنتتەرىنىڭ عىلىم مەن ءبىلىم سالاسىنداعى ىنتىماقتاستىقتى دامىتۋعا باعىتتالعان ساياساتىن جۇزەگە اسىرۋ ماقساتىندا بىرلەسكەن حالىقارالىق ءىس-شارالاردى تابىستى جۇزەگە اسىرادى دەپ سەنەمىز. ءبىز وقۋ ورىندارىمىزدىڭ اراسىنداعى ىنتىماقتاستىقتى دامىتۋ بويىنشا ۇسىنىستاردى بىرلەسىپ تالقىلاۋعا دايىنبىز», دەدى قازاق اگروتەحنيكالىق زەرتتەۋ ۋنيۆەرسيتەتىنىڭ وپەراتسيالىق قىزمەت بويىنشا پرورەكتورى ساپارحان وماروۆ.
قىتاي حالىق رەسپۋبليكاسىنىڭ عىلىم جانە تەحنولوگيالار ۆيتسە-ءمينيسترى چەن تسزياچاننىڭ ايتۋىنشا, ەكى ەل اراسىنداعى قاتىناستار قارقىندى دامىپ جاتىر, اسىرەسە اۋىل شارۋاشىلىعى سالاسى بويىنشا.
«س.سەيفۋللين اتىنداعى قازاق اگروتەحنيكالىق ۋنيۆەرسيتەتىنە جولىم تۇسكەنىنە قۋانىپ وتىرمىن. زاماناۋي كورپۋستارىڭىز كوز تارتادى. ەكى ەل باسشىلارىنىڭ ءتيىمدى ساياساتىنىڭ ارقاسىندا قىتاي – قازاقستان اراسىنداعى قارىم-قاتىناس قارقىندى دامىپ جاتىر. قحر باسشىسى سي ءتسزينپيننىڭ ء«بىر بەلدەۋ, ءبىر جول» باستاماسىمەن قازاقستانمەن اراداعى ىسكەرلىك, ساۋدا-ساتتىق سىندى ماڭىزدى جوبالار قولعا الىندى. سونىڭ ءبىرى – س.سەيفۋللين اتىنداعى قازاتزۋ مەن قىتاي اۋىلشارۋاشىلىق عىلىمدارى اكادەمياسىنىڭ حاربين ۆەتەرينارلىق عىلىمي-زەرتتەۋ ينستيتۋتى اراسىنداعى ىسكەرلىك بايلانىس. بيولوگيالىق قاۋىپسىزدىك جونىندەگى قازاقستان – قىتاي بىرلەسكەن زەرتحاناسىنىڭ اشىلۋى – وسى باعىتتاعى جۇمىسىمىزدىڭ جەمىسى. مەن عىلىم جانە تەحنولوگيالار ۆيتسە-ءمينيسترى بولعاندىقتان, اۋىل شارۋاشىلىعى سالاسىنا بايلانىستى باسىمدىقتاردىڭ بولاشاعىنا زور ۇمىتپەن ءارى سەنىممەن قارايمىن», دەدى ول.
شەتەلدىك دەلەگاتسيا مۇشەلەرىنە بيولوگيالىق قاۋىپسىزدىك بويىنشا بىرلەسكەن قىتاي – قازاقستان زەرتحاناسى تانىستىرىلدى. سونداي-اق جانۋارلار مەن قۇستاردىڭ جۇقپالى اۋرۋلارىن زەرتتەۋ جانە دياگنوستيكالاۋ, جەم مەن سۇتكە زووتەحنيكالىق تالداۋ جاساۋ ماقساتىندا قازاقستان – قىتاي بىرلەسكەن بيولوگيالىق قاۋىپسىزدىك زەرتحاناسى قۇرىلدى. بۇل زەرتحانادا دوكتورانتتار مەن ماگيسترانتتار ديسسەرتاتسيا تاقىرىبى بويىنشا ەكسپەريمەنتتىك زەرتتەۋلەرىن جۇزەگە اسىرادى. سونىمەن قاتار مۇندا ستۋدەنتتەر بەكىتىلگەن ديپلومدىق جۇمىس تاقىرىپتارى اياسىندا عىلىمي-زەرتتەۋ جۇمىستارىن جۇرگىزەدى.
تانىستىرىلىمنان كەيىن ءسوز العان قىتاي حالىق رەسپۋبليكاسى عىلىم جانە تەحنولوگيالار مينيسترلىگى حالىقارالىق ىنتىماقتاستىق دەپارتامەنتىنىڭ ديرەكتورى ۆان سياو سەيفۋللين ۋنيۆەرسيتەتىنىڭ عالىمدارىن قىتايداعى ءبىلىم وردالارىنان تاجىريبەدەن وتۋگە, ستۋدەنتتەر مەن ماگيسترانتتاردى دۋالدىق وقۋعا شاقىردى.