اقش-تىڭ تەحاس, وكلاحوما جانە اركانزاس شتاتتارىندا داۋىل سوعىپ, 11 ادام كوز جۇمدى, دەپ حابارلايدى Egemen.kz اljazeera اگەنتتىگىنە سىلتەمە جاساپ.
تورنادو سالدارىنان مەرت بولعانداردىڭ ىشىندە ەكى بالا بار.
سونداي-اق تەحاس, وكلاحوما جانە اركانزاس شتاتتارىندا ۇيلەر مەن جۇك كولىكتەرىنىڭ جۇرگىزۋشىلەرىنە ارنالعان ايالدامالار قيرادى.
26 مامىر كۇنى كەشكە تەحاس شتاتىنىڭ كۋك وكرۋگىندە, وكلاحوما شتاتىنىڭ مايس وكرۋگىندە تورنادو مەن قۇيىندى داۋىل سوقسا, ال 27 مامىر كۇنى تاڭەرتەڭ اركانزاستىڭ سولتۇستىگىندە داۋىل بولدى.
تەحاس شتاتىنىڭ دەنتون وكرۋگى مەن داللاستىڭ سولتۇستىگىندەگى بىرنەشە تۇرعىن تىكۇشاقپەن اۋرۋحاناعا جەتكىزىلدى. دەنتون وكرۋگىنىڭ باسقا ايماعىندا تورنادو تراكتور تىركەمەلەرىن اۋدارىپ, شتات ارالىق قوزعالىستى توقتاتتى.
تابيعي اپات سالدارىنان تەحاس, ميسسۋري, وكلاحوما, كانزاس جانە اركانزاس شتاتتارىندا جەكسەنبى كۇنى تاڭەرتەڭ, شامامەن, 375 000 ادام جارىقسىز قالدى.
اقش-تىڭ ۇلتتىق اۋا رايى قىزمەتى اتالعان شتاتتاردا تورنادو قاۋپى ساقتالاتىنىن ەسكەرتتى. تەك تەحاس شتاتىندا كۇن رايى تۇراقتالادى.
ەرلان كيىكباي,
ل.ن.گۋميلەۆ اتىنداعى ەۇۋ ستۋدەنتى