«تازا قازاقستان» ەكولوگيالىق اكتسياسى اياسىندا قوستاناي قالاسى مەن توبىل جاعاسىنداعى بىرنەشە ساياجاي بىرلەستىگىنىڭ اۋماعىنان 23 مىڭ تەكشە مەتردەن اسا قوقىس شىعارىلدى.
ءساۋىردىڭ جەتىسىندە قالىپتى دەڭگەيىنەن 8 مەتر جوعارى كوتەرىلگەن توبىلدىڭ سۋى اينالاسىن استان-كەستەن ەتىپ كەتكەنى ءمالىم. سودان بەرگى ەكى ايعا جۋىق ۋاقىت ىشىندە اتالعان اۋماقتاردا كۇن سايىن سەنبىلىك ۇيىمداستىرىلدى. تازالىق اكتسياسىنا ۇزىن ىرعاسى 2,5 مىڭنان اسا ادام, جۇزدەگەن مەكەمە, كاسىپورىن ۇجىمدارى قاتىسىپ, قالا اۋماعىنان 8 مىڭ, سۋ استىندا قالعان ساياباقتاردىڭ اۋماعىنان 11 مىڭ تەكشە مەتر قوقىس شىعارىلدى. وسىلايشا, وزەنگە جاقىن جاتقان «شاعالا» سەرۋەن الابى, ترياتلون پارك اۋماعى, قالالىق جاعاجاي مەن «دوروجنيك», «سادوۆود» ساياجاي بىرلەستىكتەرى قوقىستان ارشىلىپ, اجارى قايتا كىردى. ماسەلەن, «دوروجنيك» ساياجايىندا 230 جەر تەلىمى, تۇراقتى تۇردە تۇرىپ جاتقان 18 وتباسى بار. 42 وتباسى جىل-ون ەكى اي بويى «سادوۆود» ساياجايىندا تۇرىپ جاتىر. «تازا قازاقستان» اكتسياسى اياسىندا وسى اتالعان ەكى ساياجاي بىرلەستىگىنىڭ وزىنەن قىرۋار قوقىس شىعارىلدى. بۇل ىستە ءىىم قوستاناي اكادەمياسىنىڭ كۋرسانتتارى كوپ كومەك كورسەتتى. كۋرسانتتار ساياجايدىڭ اۋماعىنا قارعىن سۋ اعىزىپ اكەلگەن قالىڭ قامىستى, قيراعان قورشاۋ, سىنعان شاتىر, سىنعان تەرەزەلەردىڭ ءبارىن ءبىر جەرگە جيناپ, ءۇيىپ تاستادى. بۇل ۇيىندىلەردى كولىككە تيەپ, سىرتقا شىعارۋ جاعىن «كونگلومەرات. kz» سەرىكتەستىگى رەتتەستىردى.
ء«بىز ەرىكتىلەر مەن كۋرسانتتارعا, سونداي-اق جەكەلەگەن كاسىپورىندار مەن مەردىگەرلەرگە شىنايى ريزاشىلىعىمىزدى بىلدىرەمىز. ولاردىڭ كومەگىنسىز تاسقىن سۋ اكەپ ءۇيىپ تاستاعان قوقىستى بيىل تازارتىپ شىعۋ مۇمكىن ەمەس ەدى. اينالاسى ەكى ايعا جۋىق ۋاقىت ىشىندە قىرۋار شارۋا تىندىرىلدى. ورايى كەلگەندە ايتارىم, قازاقستاندا ەلدى مەكەندەردى دامىتۋعا ارنالعان ارنايى باعدارلامالار جاقسى جۇمىس ىستەپ جاتىر. وكىنىشكە قاراي, سول باعدارلامالارعا ساياجاي بىرلەستىكتەرى ىلىكپەي قالىپ وتىر. سوندىقتان قالا ماڭىنداعى ساياجايلاردىڭ ينفراقۇرىلىمىن دامىتىپ, اباتتاندىرۋعا ارنالعان مەملەكەتتىك باعدارلاما بولسا دەگەن تىلەگىمىز بار. مىسالى, مۇنداعى 1976 جىلى تارتىلعان ينجەنەرلىك كوممۋنيكاتسيا الدەقاشان توزىپ كەتكەن. ءبىز ونى ءوز كۇشىمىزبەن جاڭارتا الماي وتىرمىز», دەيدى «سادوۆود» ساياجاي بىرلەستىگىنىڭ توراعاسى ولەگ موششەنكو.
قالا اكىمدىگىنىڭ مالىمەتىنشە, قازىر قالا ماڭىنداعى ساياجايلارعا سۋ تاسقىنى كەزىندە ۇزىلگەن ەلەكتر سىمدارىن قايتا تارتۋ, سۋ قۇبىرىن قالپىنا كەلتىرۋ جۇمىسى ءجۇرىپ جاتىر.
قوستاناي وبلىسى