سەنات دەپۋتاتتارى سۇلتانبەك ماكەجانوۆ, نۇرتورە ءجۇسىپ, ءلاززات رىسبەكوۆا, بەكبولات ورىنبەكوۆتەر تمد پارلامەنتارالىق اسسامبلەياسىنىڭ ءىس-شارالارىنا قاتىسىپ, باسقا ەلدەردەن كەلگەن پارلامەنتشىلەرمەن بىرگە ءتۇرلى ماسەلەلەردى تالقىلادى, دەپ حابارلايدى Egemen.kz جوعارعى پالاتانىڭ ءباسپاسوز قىزمەتىنە سىلتەمە جاساپ.
تمد پارلامەنتارالىق اسسامبلەياسىنىڭ شارالارى بويىنشا سۇلتانبەك ماكەجانوۆ مەملەكەتتىك قۇرىلىس جانە جەرگىلىكتى ءوزىن-ءوزى باسقارۋ تاجىريبەسىن زەردەلەۋ جونىندەگى تۇراقتى كوميسسيا وتىرىسىندا مەملەكەتتىڭ سايلاۋ ەگەمەندىگىن قامتاماسىز ەتۋ جانە قورعاۋ, سونداي-اق ەلەكتروندىق داۋىس بەرۋدى قاداعالاۋ ماسەلەلەرىن, نۇرتورە ءجۇسىپ مادەنيەت, اقپارات, تۋريزم جانە سپورت جونىندەگى تۇراقتى كوميسسيا وتىرىسىندا «سۋ نىساندارىنداعى مادەني مۇرا تۇرلەرىن مەملەكەتتىك قورعاۋدى قامتاماسىز ەتۋ تۋرالى», «تسيفرلىق مەديارەسۋرستار ورتاسىنداعى ەلەكتروندىق كوممۋنيكاتسيالار تۋرالى», «بالالاردى دەنساۋلىعىنا جانە دامۋىنا زيان كەلتىرەتىن اقپاراتتان قورعاۋ تۋرالى», «مەتسەناتتىق جانە قايىرىمدىلىق قىزمەتى تۋرالى» ۇلگى زاڭداردىڭ جوبالارىن, ءلاززات رىسبەكوۆا ەكونوميكا جانە قارجى جونىندەگى تۇراقتى كوميسسياسى وتىرىسىندا «ترانسشەكارالىق دارمەنسىزدىك جانە بانكروتتىق تۋرالى» ۇلگى زاڭنامالىق اكتىنىڭ جوباسىن ازىرلەۋدىڭ وزەكتىلىگىن تالقىلاپ, بەكبولات ورىنبەكوۆ «تمد-عا قاتىسۋشى مەملەكەتتەرىنە ارنالعان ۇلگى سالىق كودەكسىن قولدانۋ جانە سالىق سالاسىنداعى ۇلتتىق زاڭنامانى دامىتۋ» تاقىرىبىنداعى دوڭگەلەك ۇستەل وتىرىسىنا قاتىستى.