تۇركىستان قالاسىنىڭ پروكۋراتۋراسى پوليتسيامەن بىرلەسىپ بالالاردىڭ قۇقىقتارىن قورعاۋ جانە ولاردى قاۋىپسىز تاسىمالداۋ باعىتىندا رەيد وتكىزدى, دەپ جازادى Egemen.kz.
16 مامىردا وتكىزىلگەن رەيد بارىسىندا ايماقتاعى 2 جەكەمەنشىك بالاباقشا تاربيەلەنۋشىلەردى تاسىمالداۋ تالابىن ورىنداماعانى انىقتالدى.
ولار رۇقسات ەتىلگەن 19 جولاۋشى نورماسىنىڭ ورنىنا ءبىر ۋاقىتتا 40 بالانى تاسىمالداپ, تالاپتى ەكى ەسە بۇزعان.
وزگە دە وسى مازمۇنداعى بۇزۋشىلىقتار انىقتالىپ, جۇرگىزۋشىلەر اكىمشىلىك جاۋاپكەرشىلىككە تارتىلدى. ال كولىكتەر ارنايى تۇراققا قويىلدى.
تۇركىستان قالاسىنىڭ پروكۋراتۋراسى بۇل باعىتتاعى جۇمىستار جالعاساتىنىن حابارلادى.