شىمكەنت قالاسىنىڭ قىلمىستىق ىستەر جونىندەگى اۋدانارالىق سوتىنىڭ ۇكىمى بويىنشا زاڭسىز كاسىپكەرلىك قىزمەتتى جۇزەگە اسىرۋ فاكتىسى بويىنشا ايىپتالعان جەرگىلىكتى تۇرعىن 2 جىلعا باس بوستاندىعىنان ايىرىلدى, دەپ حابارلايدى Egemen.kz قالالىق پروكۋراتۋراعا سىلتەمە جاساپ.
«سوت تالقىلاۋى بارىسىندا «C» ەسىمدى ازامات «Binance» پلاتفورماسىندا تسيفرلىق اكتيۆتەردى (كريپتوۆاليۋتالار) ليتسەنزياسىز ايىرباستاۋ قىزمەتىن كورسەتكەنى انىقتالدى. 5 جىل ىشىندە ول 1,7 ملرد تەڭگەدەن استام اسا ءىرى مولشەردە زاڭسىز تابىس تاپقان», دەپ جازدى پروكۋراتۋرا وكىلدەرى.
شىمكەنت پروكۋراتۋراسى تۇرعىندارعا تسيفرلىق اكتيۆتەردى ايىرباستاۋمەن بايلانىستى زاڭسىز كاسىپكەرلىك قىزمەتتى جۇزەگە اسىرعانى ءۇشىن قىلمىستىق جاۋاپكەرشىلىك كوزدەلگەنى تۋرالى ەسكەرتتى.
ۇكىم زاڭدى كۇشىنە ەنگەن جوق.
قىرمىزى جۇماعاليقىزى,
ەۇۋ ستۋدەنتى