ەندى عيماراتتاردى, وزگە دە قۇرىلىس, تۇرعىن ءۇي-جايلاردى, كوپشىلىك پايدالاناتىن ورىنداردى, كولىكتەگى جانە وزگە دە قوعامدىق ورىندارداعى م ۇلىكتەرگە زاقىم كەلتىرگەندەر ءۇشىن ايىپپۇل ەكى ەسەلەنەدى, دەپ جازادى Egemen.kz.
بۇرىن مۇنداي بۇزاقىلىق ء ۇشىن 20 اەك كولەمىندە ايىپپۇل بەلگىلەنگەن بولسا, جاڭا وزگەرىستەرگە ساي ونىڭ مولشەرى 50 اەك-كە ءوستى. سونداي-اق ۆانداليزم ءۇشىن 5 تاۋلىكتەن 20 تاۋلىككە دەيىن اكىمشىلىك قاماۋعا الۋ قاۋپى دە قاراستىرىلعان.
ال بۇل بۇزۋشىلىقتار ءبىر جىل ىشىندە قايتالانسا 20 (15 تاۋلىكتەن بۇرىن), 30 تاۋلىككە دەيىن اكىمشىلىك قاماۋعا الۋ كوزدەلگەن.
تاعى ەكى ەسەگە ۇلعايعان جازانىڭ ءبىرى - «ورتاق پايدالانىلاتىن ورىنداردى لاستاۋ» بابى بويىنشا بۇزۋشىلىقتار. ساياباقتاردى, سكۆەرلەردى لاستاعانى, ونىڭ ىشىندە, بەلگىلەنبەگەن جەرلەرگە كوممۋنالدىق قالدىقتاردى تاستاعانى ءۇشىن 10 اەك (بۇرىن 5 اەك) كولەمىندە ايىپپۇل, ال بۇزۋشىلىقتى ءبىر جىل ىشىندە قايتالاعانى ءۇشىن 20 اەك (بۇرىن 10 اەك) كولەمىندە ايىپپۇل سالىنادى.
ەرلان كيىكباي,
ەۇۋ ستۋدەنتى