اتىراۋ وبلىسىنا قاراستى ماحامبەت اۋدانىندا 66 ەگىن القابى جانە 27 مال شارۋاشىلىعى قوجالىعى زارداپ شەككەن. ايتا كەتەرلىگى, بىردە ءبىر مال شىعىنى بولماعان, ويتكەنى, قاۋىپتى اۋماقتار قوجالىقتارىنداعى مال باسى تولىقتاي الدىن الا بەكىتىلگەن قاۋىپسىز جەرلەرگە كوشىرىلگەن, دەپ حابارلايدى Egemen.kz.
ماحامبەت اۋدانىنىڭ توتەنشە جاعدايلار جونىندەگى جەدەل شتابى ءمالىم ەتكەندەي, ءور سۋىنان زارداپ شەككەندەر قاتارىندا 1 وندىرىستىك جىلىجاي قۇرىلىسى, 1 جىلىجاي, 1 ەشكى ءسۇتىن وندىرەتىن زاۋىت, 1 بالىق ءوسىرۋ زاۋىتىنىڭ قۇرىلىسى جانە 4 دەمالىس ورنى بار.
زارداپ شەگۋ قاۋپى بار ايماقتا ەگىن شارۋاشىلىعىمەن اينالىساتىن 7, مال شارۋاشىلىعىمەن اينالىساتىن 19 شارۋا قوجالىعى بار.
«زارداپ شەككەن ەگىن شارۋاشىلىعى يەلەرىنىڭ شىعىنى تولىقتاي وتەلەدى. ءور سۋىنىڭ قارقىنى سايابىرلاعان سوڭ, ارنايى كوميسسيا قۇرىلىپ, اكت جاسالىپ, ەسەبى جۇرگىزىلەدى», دەپ ناقتىلادى اۋدان اكىمى.