وزبەكستاندا قارت اناسىن پىشاقتاپ ولتىرگەن ەر ادامعا قاتىستى سوت ۇكىمى شىقتى, دەپ حابارلايدى Egemen.kz UzNews.uz سايتىنا سىلتەمە جاساپ.
وقيعا 2023 جىلدىڭ قاراشا ايىندا سۋرحانداريادا بولعان. ەر ادام مەن ونىڭ قارت اناسىنىڭ اراسىندا كەلىسپەۋشىلىك تۋىنداپتى. وعان سەبەپ قارت ايەل نەمەرەسىنىڭ كۇيەۋىنە مۇراسىنىڭ 40 پايىزىن بەرمەك بولعان.
اناسىنىڭ شەشىمىمەن كەلىسپەگەن ەر ادام ۇيىقتاپ جاتقان اناسىنا بىرنەشە رەت پىشاق سۇققان. كەتىپ بارا جاتقاندا ىڭىرسىعان داۋىستى ەستىپ, مويىن تۇسىنان تاعى بىرنەشە رەت پىشاق سۇعىپ العان.
سوت ونى وزبەكستان رەسپۋبليكاسى قىلمىستىق كودەكسىنىڭ 97-بابىنىڭ 2-بولىگىمەن (ادامدى دارمەنسىز جاعدايدا قاساقانا ءولتىرۋ) كىنالى دەپ تانىپ, 18 جىلعا باس بوستاندىعىنان ايىردى.