الەمنىڭ 174-راكەتكاسى بەيبىت جۇقاەۆ پەن رەيتينگىدە 177-ورىندا تۇرعان دەنيس ەۆسەەۆ پورتۋگاليادا ءوتىپ جاتقان وەيراش چەللەندجەر ءتۋرنيرىنىڭ شيرەك فينالىنا شىقتى, دەپ جازادى Egemen.kz ۇلتتىق وليمپيادالىق كوميتەتكە سىلتەمە جاساپ.
بەيبىت جۇقاەۆ ەكىنشى اينالىمدا الەمنىڭ 150-راكەتكاسى, امەريكالىق پاتريك كيپسوننان باسىم ءتۇستى. ەكى ساعاتقا سوزىلعان تارتىستى ماتچتا بەيبىت 7:5, 7:6 (7:5) ەسەبىن ءوز پايداسىنا تىركەدى.
ال ەكىنشى وتانداسىمىز دەنيس ەۆسەەۆ الەمنىڭ 124-راكەتكاسى, تاعى ءبىر امەريكالىق ەميليو ناۆانى 7:6 (10:8), 6:0 ەسەبىمەن قاپى قالدىردى.
قوس قازاق سپورتشىلارىنىڭ جولى شيرەك فينالدا ءتۇيىستى. بەيبىت جۇقاەۆ پەن دەنيس ەۆسەەۆ جۇبىنىڭ جەڭگەنى وەيراش چەللەندجەر ءتۋرنيرىنىڭ جارتىلاي فينالىنا شىعادى.