حەمينگۋەيدىڭ ەڭ قىسقا اڭگىمەسى بارشا الەم وقىرمانىنا ءمالىم: «For sale: baby shoes, never worn» («بالالارعا ارنالعان اياقكيىم ساتىلادى. كيىلمەگەن»). ءبىر ۋاقىتتاردا جازۋشى ءوزى جازعان بارلىق شىعارمادان باسىپ وزاتىن التى سوزدەن تۇراتىن جان تەربەتەرلىك اڭگىمە جازىپ شىعام دەپ دوستارىمەن باستەسەدى. اقىرىندا سول باستە ۇتىپ شىعىپ, ارقايسىسىنان 10 دوللاردان قاعىپ الادى.
ال اقيقاتىنا كەلسەك, حەم اعايدىڭ جازۋشىلىق مانسابىنىڭ باستالۋىنا دەيىن امەريكالىق گازەتتەردە بالالار اياقكيىمى نەمەسە اربا تۋرالى وسىنداي حابارلاندىرۋلار ءجيى شىعاتىن بولعان. مۇنداي حابارلاندىرۋلار تۋرالى ءتۇرلى اۆتورلار ماقالا جازىپ, ولاردى «قىسقا اڭگىمەلەر» دەپ اتادى. ال حەمينگۋەيدىكى دەلىنەتىن بۇل اڭگىمە تەك 1990 جىلدارى ءباسپاسوز بەتتەرىندە پايدا بولدى. حەم اعاي اياقكيىم تۋرالى اڭگىمەنىڭ نەگىزىن قايدان العانىن بولجاي بەرىڭىز...
ال كەيدە ادەبيەت مايتالماندارىنىڭ ءبىر اۋىز سوزىندە ءبىر عاسىردىڭ شىندىعى جاتۋى مۇمكىن.